REAL UNIONEK BIHAR JOKATUKO DU ERREGE KOPAKO KANPORAKETA
Futbola

REAL UNIONEK BIHAR JOKATUKO DU ERREGE KOPAKO KANPORAKETA

Palencia Cristo Atletico taldearen aurka arituko da abenduaren 2an, arratsaldeko 20etan hasita, Nueva Balastera zelaian

Real Unionek bihar bidaiatuko du Palentziara Errege Kopako lehendabiziko kanporaketa jokatzeko asmoarekin. Azaroaren 18an egin zen partidu hauen zozketa eta bertan, Real Unioni Palencia Cristo Atleticoren kontra aritzea egokitu zitzaion, bertako Nueva Balastera zelaian, abenduaren 2an arratsaldeko 20etan hasita.

Palentziako taldea RFEF-ko bigarren mailan dago kokatuta, Real Union baino maila bat beherago. Hala ere, Aitor Zulaikak gaur bertan esan duen moduan hau ez da abantaila irundarrentzat: “Bigarren RFEFko talderik onenetakoa da azaroan. Ilusioz gainezka egongo dira. Entxufatuta ez bagaude, kontuz".

Zulaikak azken egun hauetan kontrako jokalariak eta beraien jokoa aztertu dituela aitortu du, eta “asko gustatzen zaidan joko proposamena duen taldea” dela gaineratu du, “sekulako taldea da, asko errespetatzen dugu Palencia Cristo Atletico”. Hau dela eta, nahiz eta hasiera batean garaipena lortzeko partidu erraz bat izateko itxura duen Real Unionentzat, entrenatzaileak aipatu du “partida batean edozer gauza gerta daitekeela”.

Irundarren biharko helburua “Errege Kopako kanporaketa pasatzea” da azpeitiarraren esanetan, eta horren bila joango dira Palentziara. Txapelketa hau “formatu oso politeko txapelketa” dela ere onartu du Zulaikak, historikoki “Real Unioni bizia eman diona” eta horregatik, “kanporaketa pasatzera joango gara, jakinda gauzak oso zail izango ditugula”, gaineratu du entrenatzaileak.

Real Unionek aste honetan bi neurketa izango ditu. Bata bihar, Palentziaren aurka, eta beste igandean, ligaren barruan, Tudelano taldearen kontra. Honek jokalariengan eragina izango duela eta partiduak baldintzatuko dituela aitortu du Zulaikak: “Biharko partidutik igandeko partidura 48 ordu eskas daude, eta frogatuta dago futbolean partidu bat jokatu ondoren neke gehiena sentitzen den momentua 48 ordura dela, eta horrek eragina izango du”.

REAL UNIONEK EIBARREN AURKA JOKATUKO DU LAGUNARTEKOA
Futbola

REAL UNIONEK EIBARREN AURKA JOKATUKO DU LAGUNARTEKOA

Irundarrek Eibar jasoko dute Stadium Galen, bihar goizeko 11etan, lagunartekoa jokatzeko asmoarekin

Real Unionek...

EXTREMADURAK REAL UNION GARAITU ZUEN STADIUM GALEN
Futbola

EXTREMADURAK REAL UNION GARAITU ZUEN STADIUM GALEN

Irundarrek 0-1eko markagailuarekin galdu zuten Extremaduran aurka jokatutako partidua

Real Unionek Extremadura...

GORKA ETXEBERRIAK DENBORALDIAREN BALANTZEA EGIN DU
Futbola

GORKA ETXEBERRIAK DENBORALDIAREN BALANTZEA EGIN DU

Gorka Etxeberria Real Unioneko futbol zuzendariak esan du, “gure erronka etxean datuak hobetzea izango da eta horretarako, zaleen laguntza behar dugu”

REAL UNIONEK TALAVERA GARAITU ZUEN EL PRADON
Futbola

REAL UNIONEK TALAVERA GARAITU ZUEN EL PRADON

Irundarrek 1-3ko markagailuarekin irabazi zioten Talavera taldeari urteko azken partiduan

Real Unionek atzo...

RACINGEK REAL UNION GARAITU ZUEN STADIUM GALEN
Futbola

RACINGEK REAL UNION GARAITU ZUEN STADIUM GALEN

Irundarrek 0-3ko markagailuarekin galdu zuten Racing El Ferrolen aurkako neurketa

Sasoi onean zeuden Real...

REAL UNION RACING EL FERROLEN AURKA NEURTUKO DA
Futbola

REAL UNION RACING EL FERROLEN AURKA NEURTUKO DA

Irundarrek hamaseigarren jardunaldia jokatuko dute bihar Stadium Galen, arratsaldeko 17etan

Aurreko igandean...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika