REAL UNIONEK PUNTU BAT ATERA ZUEN BARÇA ATLÉTIC TALDEAREN KONTRAKO PARTIDUTIK
Futbola

REAL UNIONEK PUNTU BAT ATERA ZUEN BARÇA ATLÉTIC TALDEAREN KONTRAKO PARTIDUTIK

Talde txuribeltzak hutsera berdindu zuen kataluniarren kontra, partidu on bat jokatu ondotik

Real Unionek hutsera berdindu zuen, igande arratsaldean, Barça Atlétic taldearen kontra. Garaipena merezi bazuen ere, Irungo taldeak ezin izan zituen hiru puntuak etxean irabazi eta beraz, zapore gazi gozoarekin bukatu zuten asteburuko jardunaldia.

Eguraldi kaskarrarekin, baina zaleen berotasunarekin, ekin zion Real Unionek Barça Atlétic taldearen kontrako partiduari. Zelaia putzuz betea zegoen, asteburuko euriteen ondorioz, eta aireko baloiak izan ziren nagusi 90 minutuetan zehar. Hala ere, talde txuribeltzak bere lekua aurkitu zuen etxeko berdegunean eta gehiago izan ziren lehen minutuetan.

Bigarren zatian ailegatu zen, edonola ere, gola egiteko lehen aukera garbia. 62. minutuan, Escobarrek korner bat errematatu egin zuen, baina atezainak ongi gelditu zuen baloia. Lau minutu beranduago, area kanpotik egindako jaurtiketa bat ere atea aurkitzeko zorian egon zen, baina ez zen posible izan. 68. minutuan Benitok izan zuen gola bere hanketan, baina atezaina gainditu eta ezin izan zuen atean asmatu. 73. minutuan, jokaldi polemikoa ailegatu zen. Ivan Perezek errematatu eta Escobarrek baloia sare barrura bidali zuen. Hala ere, epailea jokoz kanpoko jokaldia izan zela erabaki zuen eta gola deuseztatua gelditu zen. Azkenean, 87. minutuan, Benitok izan zuen berriz ere markagailuan aitzina hartzeko aukera, baina baloiak langa jo zuen.

Gehiago merezi zutenaren sentsazioarekin bukatu zen neurketa irundarrentzat, eta puntu bat batuta, heldu den asteburuari begira jarri dira dagoeneko jokalariak. Heldu den larunbatean, martxoaren 9an, Rayo Majadahonda bisitatuko dute txuribeltzek, 16:00etan.

(Argazkia: Barbara Duarte Fotografia)

REAL UNION ROCAK HIRU PUNTUAK ESKURATU ZITUEN AZPEITIAN
Futbola

REAL UNION ROCAK HIRU PUNTUAK ESKURATU ZITUEN AZPEITIAN

1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra

CD Lagun Onak B: Madrazo; Arizmendi,...

REAL UNIONEK PORROTA JASO ZUEN LAS LLANAS ZELAIAN
Futbola

REAL UNIONEK PORROTA JASO ZUEN LAS LLANAS ZELAIAN

Sestaok sartutako bi penaltiekin, 3-1eko emaitzarekin galdu zuen Real Unionek

Real Unionek porrota jaso zuen pasa den larunbatean Las Llanas...

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”
Futbola

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”

Real Unionek bihar bisitatuko du Sestao River (20:00), zalerik gabe jokatuko den neurketa ospatzeko

Real Unionek, pasa den asteburuko garaipena...

REAL UNIONEK CORNELLA GARAITU ZUEN GALEN
Futbola

REAL UNIONEK CORNELLA GARAITU ZUEN GALEN

Alex Cerdák sartutako golari esker, hiru puntuak etxean gelditu ziren

Urtarriletik garaipenik batu gabe egon ondotik, Real Unionek Cornella garaitu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika