SENSORE MADARIKATUA

Epaileek Teresa Errandoneak irteera faltsua egin zuela adierazi eta final-erdietan Pista Estaliko Espainiako Txapelketatik kanporatu zuten

Bidasoa Atletiko Taldean asteburu mugitua izan du. Pista Estaliko Espainiako Txapelketan esperantza handiak jarrita zituzten Teresa Errandonean, 60 metro hesidunetan garaipena lortuko zuelakoan zeuden. Baina, Karlsruhen gertatu zitzaion bezala, final-erdietan kaleratuta izan zen. Kasu honetan, aldiz, ez dago Teresa Errandonea lehenago irten zenaren irudirik. Arazoa sensore madarikatu batean zentratu zen.

Duela urte asko ezarri zen arau batek dio irteerako erreakzioa ezin dela 0,1 segundu baino gutxiagokoa izan. 0,099 segunduko erreakzioa detektatzen badu, sensoreak irteera faltsuaren mezua bidaliko die epaileei. Urteen poderioz, atletek, Teresa Errandonea barne, irteerako erreakzioa azkartzen joan dira eta, badirudi, ezarritako legea zaharkituta geratu izana. Hain zuzen ere, horregatik kaleratu zuten Teresa Errandonea, 0,1 segundu baino gutxiagoko erreakzioa izateagatik, zehazki 0,093ko erreakzioarengatik.

Bidasoa Atletiko Taldeko ordezkariek elegitea jarri zuten, baina epaileek ez zuten irudiak ikusi nahi izan; beraz, Teresa Errandonea txapelketetatik utzi zuten. Ez zen Espainiako Txapelketan zehar epaileek izan zuten arazo bakarra izan. Luzera jauzian, Maria Vicentek egindako jauzia neurtu gabe area garbitu eta berriz jauzia egitera behartu zuten. Hori ere kirolarek aldarteetako bat da.

Edonola ere, Errandoneak asteazkenean asteburuko arantza kitatzeko aukera izango du. Madrilgo Indoor Meetingean arituko da, beste behin, Europako atleta onenekin lehiatzen.

Emaitza onak Bidasoa Atletiko Taldearentzat

Larunbatean abiadura proben txanda izan zen eta Teresa Errandonearekin batera, Sara Villasante eta Miriam Gregori aritu ziren. Villasantek 6.postuan bukatu zuen 1500 metroetako final-erdia. 4’48’’67ko markarekin eta Miriam Gregorik bosgarren egin zuen bere seriean. 800 metroetako proban 2’11’’54-ko denborarekin bukatu zuen proba.

Igandean jauzilariei egokitu zitzaien lehiatze. Iker Arotzenak, 19 urterekin Espainiako 5.postuan bukatu zuen txapelketa. 23 urtez azpiko Espainiako Txapelketa garaitu ostean, maila handiko luzera jauziko txapelketan lehiatu eta 7,43 metroko jauzia egin zuen. Emakumezkoen luzera jauzian, Maria del Mar Joverrek 4. Postuan bukatu zuen finala. 6.20ko jauzia ikusgarria lortu eta denboraldiko marka hautsi zuen. Oso gertu geratu zen Maria Vicentek lortutako brontzezko dominatik. 

EMAKUMEEN ERRELEBO MOTZAK GIPUZKOAKO ERREKORRA LORTU ZUEN

Beñat Miquelarenak ere Gipuzkoako errekorra egin zuen 20 urtez azpiko 100 metroko lasterketan

Gipuzkoako Txapelketa ospatu zen pasa den larunbatean...

BAT-EKO MUTIL INFANTILAK HIRUGARREN SAILKATU DIRA EUSKADIKO ESKOLARTEKOAN

Bidasoa Atletiko Taldeko zenbait neska-mutiko Gipuzkoako selekzioarekin aritu ziren, emaitza onak lortuz

Zumarragan ospatu zen pasa den asteburuan...

BIDASOA ATLETIKO TALDEAK MARKA EZIN HOBEEKIN BUKATU DU GIPUZKOAKO TXAPELKETA

Estatuko hiru minima lortu zituzten atleta gazteek, baita domina andana bat ere

Azpiko mailako Gipuzkoako Txapelketa ospatu zen pasa den asteburuan...

GIPUZKOAKO PROBA KONBINATUEN TXAPELKETAN IZAN DIRA BAT-EKO ALEBIN ETA INFANTILAK

Inge Garayalde alebina Gipuzkoako txapeldunorde izan zen eta Iker Anaut infantila hirugarren postuan sailkatu zen

Gipuzkoako eskolarteko...

BAT-EKO MUTILAK GIPUZKOAKO TXAPELDUNORDE ESKOLARTEKOAN

Horrez gain, mutilen B taldea bostgarren sailkatu zen eta neskenak laugarren, bederatzigarren eta hamaseigarren, hurrenez hurren

Bidasoa Atletiko...

BAT-EKO NESKAK ETA MUTILAK LAUGARREN LIGAKO BIGARREN JARDUNALDIAN

Bi taldeak ere maila mantentzeko lehian arituko dira ekainaren 11n, hirugarren eta azken jardunaldian

Bidasoa Atletiko neskek eta mutilek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika