TRASONAN DOMINETATIK OSO GERTU GERATU ZEN SANTIAGOTARRAK

(Argazkia: Juan Anatol)

Avileseko Trasona hirian jokatu zen kadeteen mailako 1000 metroko Kopan, talde irundarreko palistak hainbat domina lortzetik oso gertu geratu ziren.

23 urtez azpiko eta junior palisten ondotik, pasaden asteburuan kadeteen txanda heldu zen. Avileseko Trasona hirian modalitate guztietako (K1, K2 eta K4) 1000 metroko Espainiako Kopa egin eta bertan Santiagotarrak elkarteko hainbat kirolarik parte hartu zuten.

Aste mugitua izan zen Santiagotarrakentzat; izan ere, pasaden astean palistetako batek positibo eman zuen eta berarekin batera, zuzeneko kontaktuak zirelarik, beste bi taldekide euren etxeetan bakartu behar izan ziren. Gauzak horrela, taldeko hiruk ezin izan zuten Espainiako Kopa jokatu eta entrenatzaileek ontzietan aldaketak egitera ikusi zituzten euren buruak. “Astean zehar, zenbait talderen osasun arazoarengatik aldaketak egin behar izan genituen, ezin izan genuen txapelketa nahi bezain beste prestatu”, adierazi du Aitor Zabalak, Santiagotarrakeko entrenatzaileak.

Dena den, Santiagotarrakek, talde gisa, egin zuen lana ona izan zen: taldekako sailkapenean, Trasonara bertaratu ziren 70 taldetatik 6.postuan bukatu zuen jarduna. Zabalaren hitzetan, “izan dugun astea kontuan izanik, balorazioa positiboa da, oso”.

Dominei dagokienez, bakarra erdietsi zuen Santiagotarrakek. Emakumezkoen K2 modalitatean, Naroa Larrartek eta Malen Juaristik lortu zuten podiumeko hirugarren koskara igotzea. Gainontzeko taldekideak, emaitza hori errepikatzeko segundu gutxietara geratu ziren. Malen Juaristiren posizioa, K1 modalitatean, foto finishak erabaki zuen; kasu honetan, laugarren postuan helmugeratu zela azalerazi zuen. Postu berean, Ane Amostegik, Maite Gorrotxategik, Lorea Cabezonek eta Paula Severianok osatu zuten laukoteak bukatu zuten eta atzerago, seigarren postuan, baina dominetatik gertu, Ian Anatol eta Aimar Platero bikotea. 

SANTIAGOTARRAK-ZAISARENTZAT IZAN DA ESLALONEKO EUSKADIKO TXAPELKETA

Ur-bizietako kirolariek, orotara, hogei domina erdietsi zituzten: sei urrezkoak, sei zilarrezkoak eta beste zortzi brontzezkoak.

Pasa den larunbaten Pauko...

DENBORALDI MUNDIALA

Eider Amundarain, Unai Amostegik eta Martin Mirandak denboraldia Pistetiko junior mailako Munduko Txapelketan parte hartu zuten, maratoi...

“PROBA BUKATU ORDUKO LEHEN BOST SAILKATUEN ARTEAN NINTZELA BANEKIEN, BAINA EZ NUEN ESPERO PODIUMEAN IGOTZEA”

Extreme modalitatean eta bakarkakoan maisua dela erakutsi du Joan Crespok denboraldi amaiera honetan. Slaloma bezalako modalitate zailean, Pauko Munduko Kopan urrea eskuratu eta Bratislavan...

JOAN CRESPOK ASTEBURUA BRONTZEZKO DOMINAREKIN BOROBILDU DU

Bratislavako Munduko Txapelketan, Santiagotarrak Elkarteko ur-bizietako palistak bi domina eskuratu dituzte.

Patruiletan eta bakarkako lehiaketan domina...

KLARA OLAZABALEK ZILARRA ESKURATU DU PATRUILETAN

Bratislava jokatzen ari diren Munduko Kopako seigarren jardunaldian, taldeka, lehen zilarra eskuratu du Klara Olazabalek.

Modu onenean hasi du...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika