TXINGUDI ERRUGBI KLUBAK ERRESKAN JASATEN DUEN BIGARREN JIPOIA
Errugbia

TXINGUDI ERRUGBI KLUBAK ERRESKAN JASATEN DUEN BIGARREN JIPOIA

Gernikaren aurka jokatuko beharreko eta Covid-19aren ondorioz bertan behera utzitako neurketa berreskuratu zuen Txigudi Errugbi Klubak asteburuan. Etxeko taldea, Gernika 46-10 gailendu zen.

Azkeneko asteak ez dira Txingudi Errugbi Klubak espero zituen bezain onak izan. Durangoren aurka 44-7 galdu ondoren, Covidaren ondorioz bertan behera geratutako neurketa Gernikako taldeak 46-10 irabazi zuen. Talde bidasotarra baja ugarirekin bidaiatu zuen Igorrera eta markagailuan zein taldearen errendimenduan nabarmena izan zen.

Iñigo Camareroren ustez, “lehen zatian jarrera makalarekin irten ziren zelaira” eta “larrutik ordaindu genuen”. Gernikarrak oso erasokor abitu zuten neurketa eta hamargarren minuturako, bi entsegu gauzatu zituzten (10-0). Apurka apurka, Txingudi Errugbi Taldea esnatzen hasi zen eta baloiaren jabetza gehiago izan zuen. Ugo Poncinik sartutako zigor-kolpearen bidez, 24.minutuan talde bidasotarrak lehen 3 puntuak eskuratu zituen (10-3). Hala ere, hurbilketa horrek ez zituen etxekoak kokildu eta lehen zatia bukatzeko sei minturen faltan, hirugarren entsegua erdietsi zuen Gernikak. 15-3ko markagailuarekin joan ziren bi taldeak aldageletara.

Bigarren zatiak bide beretik jarraitu zuen, Gernika zen neurketako nagusi. 49.minutuan bizkaitarrek Txingudi Errugbi Klubak planteatutako defentsa hautsi eta eguneko laugarren entsegua egin zuten (22-3). Talde bidasotarra asko sufritu zuen norgehiagokan zehar, baina lan gehiago izan zuten jokalari bat gutxiagorekin geratu zirenean. Gernikak ez zuen hutsik egin eta jokalariaren abantaila baliatuta, bi entsegun gehiago gauzatu zituen (34-3) Neurketa erabat erabakita utzi zuten.

Zailtasunak zailtasun eta emaitzak emaitza, Txingudi Errugbi Klubak bere lana egiten jarraitu zuen 34-10-eko markagailua ezarriko zuen entsegua lortu arte. Unai Herrero izan zen Gernikaren defentsa hausteko gai izan zen talde bidasotarreko jokalari bakarra. Talde bidasotarra gehien disfrutatzen ari zen minutuetan, touchera joan behar zuen ostikadan akatsa egin zuten, Gernikako hegalekoak baloia hartu eta ondoko marraraino iritsi zen (39-10). Azken aurreko entsegu horren ondotik, 72.minutuan azkeneko 46-10 ezarriko zuen transformazioa lortu zuten. 

TXINGORDIK IRABAZI DU FAT RUGBY TXAPELKETA
Errugbia

TXINGORDIK IRABAZI DU FAT RUGBY TXAPELKETA

Monzonen jokatu zen txapelketa, Quebratahuesos RC taldeak antolatuta, eta Txingudi Rugby Klubeko taldeak irabazi zuen

ZAISA TXINGUDIK KLUBEKO EGUNA OSPATZEN AMAITU DU DENBORALDIA
Errugbia

ZAISA TXINGUDIK KLUBEKO EGUNA OSPATZEN AMAITU DU DENBORALDIA

Talde bidasotarrak lesioek baldintzatutako denboraldi honi agur esan zion larunbatean eta dagoeneko hurrengoari begira jarri da

ROUTE 33 TXINGUDI RUGBY KLUBAREN BABESLE BERRIA
Errugbia

ROUTE 33 TXINGUDI RUGBY KLUBAREN BABESLE BERRIA

Txingudi Rugby Klubak, prentsa ohar baten bidez jakitera eman duenez, Route 33-rekin babes-akordio bat sinatu berri du. Honen ondorioz, Hondarribiako enpresa errugbi taldeen babesle berria izango...

EUSKAL LIGAKO FINALA JOKATUKO DU ITSASMENDIK LEKAROZEN
Errugbia

EUSKAL LIGAKO FINALA JOKATUKO DU ITSASMENDIK LEKAROZEN

Plaiaundin ere Touch errugbiko Espainiako eta Frantziako selekzioak arituko dira aurrez aurre

Larunbat honetan, 18...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika