UD LOGROÑES, HELDUA ETA LANDUA
Futbola

UD LOGROÑES, HELDUA ETA LANDUA

Ligako aurkari zailenetako baten zelaian jokatuko du Real Unionek, UD Logroñesen aurka eta Las Gaunas zelai klasikoan. Aitor Zulaikak “une bakoitzean nola jokatu behar duen dakien taldea dela” aitortu zuen.

Celta B-ren aurka jasotako jipoiaren ostean, egoera iraultzeko aurkari zaila egokitu zaio Real Unioni. 2.A mailatik jeitsi berri den UD Logroñesen aurka jokatuko du, sasoi betean eta oso jokalari baliotsuak dituen taldea. Batu zezaketen 9 puntuetatik, 7 erdietsi ditu talde errioxarrak, Real Unionek baino bat gehiago, baina azken jardunaldian oso bestelako emaitzak batu zituzten bi taldeek. Real Unionek Celta B-ren aurka 1-4 galdu zuen; UD Logroñesek, berriz, markagailu berarekin Zamora menderatu zuen, etxetik kanpo.

Dinamikak dinamika, Aitor Zulaika teknikariari ez dio gehiegi kezkatzen iraganak: “ostiralean neurketa bat jokatu genuen eta igandean beste bat jokatuko dugu. Ez gara iraganari begiratzen egon behar une oro, garrantzitsuena da ostiraleko akatsak ez errepikatzea. Hori da astean zehar landu duguna, akatsak ikusi, horietatik ikasi eta igandean berriro ez errepikatzen saiatu behar gara”.

Aurrekoaren antzera, aste berezia izan da honakoa. Celta B-ren kontrako norgehiagoka prestatzeko lau egun izan bazuten, oraingo honetan, zazpi egun izan dituzte. Horregatik, astean zehar, Errealaren hirugarren taldearen aurka lagunartekoa jokatu dute. Honen helburua, Aitor Zulaikaren esanetan, “denboraldi-aurrean minutuak pilatzeko aukera izan ez duten jokalariek erritmoa eta sentsazioak hartzea” zen.

UD Logroñesi buruz galdetuta, Zulaikak aitortu zuen "entrenatzaile oso ona, une bakoitzean zer egiten duen badakiena. Hainbat baliabide eta joko mota erabiltzen ditu, partidak eskatzen duenaren arabera soropilean ezartzen dituena”. “Sasoi betean dauden jokalariak ditula" ere gaineratu zuen.

Iker Guarrotxena, uneko izarra. 

Australiatik gol egiteko gosez heldu da Logroñora. Jokatu diren hiru jardunaldietan, lau gol erdietsi ditu Endika Guarrotxena ezagunaren ilobak, horietatik hiru Zamoraren aurka, azken jardunaldian. Golez gain, Aitor Zulaikak taldeko motorra dela adierazi zuen atzokoan: “golengatik baino, taldean duen eraginagatik da garrantzitsu Guarrotxena. Berak ezartzen du noiz jokatu behar den eta zertara. Askotan, horrelako jarrerak golak baino garrantzitsuagoak dira”. Nahiz eta gol asko egin eta aurrealdean jokatu, jokalari bizkaitarra ez da aurrealdeko erreferentzia klasikoa, aurrealdean edozein postutan ondo moldatzen den horietako da, defentsen lana guztiz zailtzen duena.

“BILBAO ATHLETICEK BAINO GEHIAGO KORRIKA EGIN BEHARKO DUGU”
Futbola

“BILBAO ATHLETICEK BAINO GEHIAGO KORRIKA EGIN BEHARKO DUGU”

Aitor Zulaikak Bilbao Athleticek proposatu dezakeen “joan-etorriko neurketa” ekidin nahi du Real Unionek bolada bikainean jarrai dezan.

Sailkapenaren...

SUFRITZEN JAKIN, GARAITZEN ERE BAI
Futbola

SUFRITZEN JAKIN, GARAITZEN ERE BAI

(Argazkia: Gio Batista)

Garaipen handia erdietsi du Real Unionek La Planilla futbol zelaian, birritan aurreratu den Calahaorra 2-4...

DENBORALDIKO LEHEN GARAIPENA ERDIETSI DU MARIÑOK
Futbola

DENBORALDIKO LEHEN GARAIPENA ERDIETSI DU MARIÑOK

Ezagutu itzazu Behe Bidasoa eskualdeko futbol taldeek asteburuan eskuratutako emaitzak.

Asteburuko albiste pozgarriena Emakumezkoen Ohorezko...

DEPORREK MEREZI, REAL UNIONEK IRABAZI
Futbola

DEPORREK MEREZI, REAL UNIONEK IRABAZI

(Argazkia: Gio Batista)

Arnasa hartu du gaur Real Unionek Deportivo on baten aurka. Jokoa galiziarrek jarri dute, baita abaguneak...

BOLADA TXARRAK DIRAU
Futbola

BOLADA TXARRAK DIRAU

Seigarren minutuan penaltiz sartu du gola Rayo Majadahondak eta Real Unionek erreskan jasotzen duen laugarren porrota behartu du.

Lehen bi partiduak...

RAYO MAJADAHONDA, ATLETAK ETA LEHIAKORRAK
Futbola

RAYO MAJADAHONDA, ATLETAK ETA LEHIAKORRAK

“Erronka” hitza erabili du Zulaikak Rayo Majadahondaren neurketa deskribatzeko. Real Unionek talde madrildarraren aurka bolada txarrarekin bukatu nahi...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika