ZORTZI DOMINA EKARRI ZITUZTEN ETXERA BAT-EKOEK EUSKADIKO TXAPELKETA ABSOLUTUTIK

Emaitza hauek positiboak izan dira asteburu honetan ospatu den 16 urtez azpiko eta master mailetako Espainiako txapelketei begira

Euskadiko Txapelketa absolutua ospatu zen pasa den asteburuan, ekainaren 17 eta 18an, Gasteizen. Bidasoa Atletiko Taldeko kirolariek emaitza onak lortu zituzten bertan, guztira zortzi domina pilatuz. Heldu den asteburuan ospatuko den Espainiako Txapelketarako atariko ona egin dute atletek.

Goizane Garcia izan zen bertze behin Bidasoa Atletiko Taldeko atleten artean nabarmenetarikoa. Maila ona ematen ari da denboraldi hasieratik, erregulartasuna erakutsi du eta jaurtikeketan oso lehiakor egon da. Asteburu honetan ere horrela izan da. Disko-jaurtiketan zilarrezko domina eskuratu zuen, 40,16 metro egin da. Honez gain, bertze bi brontzezko domina irabazi zituen Garciak, mailu-jaurtiketan (43,40m) eta pisu-jaurtiketan (11,42m).

Laia Olascoagak ere lorpen bikoitza eskuratu zuen Euskadikoan. 100 metroko lasterketan txapeldunorde bilakatu zen, 12,25 segunduko denborarekin. Gainera, hirugarren postuan sailkatu zen 200 metroko lasterketan, 24,56 segundurekin.

Gizonezkoen artean, Ander Angladak, Asier Zarandonak eta Juan Errandoneak lortu zuten lehen postuan sailkatzea. Angladak 800 metroko lasterketan eskuratu zuen urrezko domina, 1:51,85 minutuko denbora eginez eta Iñaki Gebrerok duen klubeko errekorra lortzeko puntuan izanda. Zarandonak berriz, 43,05 metroko jaurtiketa egin zuen diskoarekin eta beraz, podiumeko lehen koskara igan zen. Azkenik, Errandonean 14,95 jauzirik onena egin zuen hirukoitzean eta berak ere urrezko domina poltsikoratu zuen.

Podiumera igan ziren atletez gain, bertze hainbertzek emaitza onak lortu zituzten eta finalera zenbait sailkapen lortu ere. Hemen dituzue bi jardunaldietako emaitza guztiak: https://rfealive.me/Results/Schedule?chid=T2023VI010

BIDASOA ATLETIKO TALDEKO EMAKUMEEK HIRUGARREN POSTUA ESKURATU DUTE LIGAKO LEHEN HITZORDUAN

Iruñean jokatu zen Ligako lehen jardunaldia eta BATeko emakumeak hirugarren postuan sailkatu ziren, Playas de Castellon eta Pamplona Atletismoren...

MADDALEN JIMENEZ BERATARRAK IRABAZI DU BERE HERRIKO MENDI MARATOI ERDIA

Gizonetan aldiz, Iñaki Olano nagusitu zen beroak baldintzatu zuen lasterketan

Berako XVIII. Mendi Maratoi Erdia ospatu zen pasa den igande goizean,...

ANA PULGARIN ZORTZIGARREN NAZIOARTEKO MARTXA TXAPELKETAN

Carla Martinezek klubeko errekorra hautsi zuen Alacanten 200 metroko lasterketan

Nazioarteko Martxa Txapelketa ospatu zen pasa den apirilaren 6an...

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika