Santiagotarraken aulki mugikorreko ordezkaritza bost dominekin itzuli ziren asteburuan jokatu zen Distantzia Luzeko Espainiako Txapelketatik. Zilarrezko hiru domina eta brontzezko bi eskuratu zituzten.

Joan den larunbatean, otsailaren 20an, Santiagotarrak-BM S.D.ko aulki mugikorreko arraun-taldeko kide batzuek distantzia luzeko Espainiako Txapelketak parte hartu zuten, Ourenseko Castrelo do Miño urtegian, 6.000 metroko distantzian.

Txapelketa honetan, inoiz lortutako emaitzarik onenak lortu zituzten; izan ere, txapelketara aurkeztutako emakumezkoen ontzi guztiak podiumera igotzea lortu baitzuten euren kategorietan. Bost domina lortu ziren, zilarrezko hiru eta brontzezko bi. Castrelo Do Miñora bertaratu ziren taldeetatik, domin kopuru gehien erdietsi zuen hirugarren taldea izan zen irundarra.

Zilarrezko dominak lortu zituzten bikotea: Naroa Zubimendik eta Itsaso Goikoetxeak (jubeniletan), Ane Calvok eta Elaia Saenzek (kadeteetan) eta Nerea Seijo eta Garazi Lasarte absolutuan eskuratu zituzten zilarrezko hiru dominak. Bestetik, Irati Laguardiak eta Maitane Zapirain (kadeteetan) eta Ainhoa Zapirain eta Maialen Alcortak (absolutuan) brontzezko bi dominak lortu zituzten.

Txapelketa honetan ere honako arraunlari hauek jubenil mailan parte hartu zuten:

- Pablo Martinez Lacar 19.

- Beñat Jimenez 25.

- Ander Ibargoien 27.

- Oier Zazpe 36. 

Denboraldi arraro hau Espainiako Txapelketa batekin hasi da; izan ere, COVIDen murrizketen ondorioz, azaroa eta otsaila bitartean aurreikusita zeuden estropadak bertan behera geratu ziren.

S.D.Santiagotarrak-BMko banku mugikorreko arraun taldearen hurrengo estropada, martxoaren 7an Orion. Gipuzkoako lineako estropaden ligari hasiera emango dion estropada izango da eta asteburu horretan bertan, Aitzpea Gonzalez Marfullek Espainiako Senior Selekzioan sartzeko trialetan parte hartuko du Bañolasen.