28 Mar, 2022
Real Union B-k 0-2ko markagailuarekin galdu zuen Aretxabaletaren aurrean
Larunbatean jokatu zuen Real Unionek Ohorezko Errejional Mailako 27. jardunaldia. Oraingoan, Galeko anexoan jaso zuen Aretxabaleta taldea. Neurketa zaila izango zela aurreikusia zuten eta horrela izan zen. Aurkariak bere nagusitasuna erakutsi eta 0-2ko markagailua erdietsi zuen Irunen.
Partiduaren lehen gola 39. minutuan iritsi zen Aizpuruaren eskutik. Honek eskuin hegaletik jaurti zuen baloia, falta baten ondoren, eta 0-1ekoa eskuratu zuen Aretxabaletarentzat. Hortik aurrera, bigarren zatian batez ere, etxeko taldea berdinketa lortzen saiatu zen, baina ez zuen arrakastarik izan. Aldiz, bisitariek bigarren gola sartu zuten neurketa amaitzeko sei minutu falta zirenean. Horrela, behin betiko 0-2ko markagailua ezarri zuten aurkariek.
Real Unionek hurrengo hitzordua Bergara KE-ren aurka jokatuko du. Talde honek Hernaniren aurka porrota jaso berri du eta sailkapenean zortzigarren postuan dago kokatuta, txuribeltzak baino bat gorago eta hamabi puntu gehiagorekin.
Talde txuribeltzak bere alde zuen markagailua, baina Beasain Bk neurketa berdintzea lortu zuen azken minutuetan
Real Unión Roca:...
Talde txuribeltzak 2-1 galdu zuen Ponferradan eta orain, azken bi jardunaldiak gelditzen zaizkio maila mantentzeko helburua lortzeko
Real Unionek...
Hiru jardunaldi bertzerik ez zaizkio gelditzen Real Unioni eta horietako lehena, igande honetan (maiatzaren 12an) ospatuko dute Ponferradinaren...