Alaves B, Santanderreko Racing, Mutilvera, Erreala C, Bilbao Athletic, Ebro eta Izarra izango dira denboraldi-aurreko aurkariak.

Astlehenean bertan ekingo dio Real Unionek denboraldi-aurreko lehen lan-saioari. Aurtengo denboraldiko jokalariak hasiak dira mediku probak gauzatzen eta hurrengo hurratsa astelehenetik aurrera emango dute, Stadium Galera urreratu beharko dira Aitor Zulaikaren esanetara denboraldi-aurreko lehen entrenamendua betetzera. 1.Federazio mailako denboraldia abuztuaren 28 eta 29-ko asteburuan hasiko da eta lan talde teknikoak zazpi lan-asteko egutegia prestatu du.

Zazpi lan-aste eta zazpi lagunarteko. Ordutegia konfirmatzeke dagoen arren, honako hauek izango dira Real Unionek jokatuko dituen lagunartekoak:

• Uztailak 28: Alavés B – Real Union (Ibaia)

• Uztailak 31: Real Union – Racing (Stadium Gal)

• Abuztuak 4: Mutilvera – Real Union (Lerin)

• Abuztuak 7: Real Sociedad C – Real Union (Zubieta)

• Abuztuak 11: Real Union – Bilbao Athletic (Hondarribia)

• Abuztuak 14: Ebro – Real Union (Robres)

• Abuztuak 21: Real Unión – Izarra (Stadium Gal) 

Klubak jakinarazi duenez, uztailaren 24an jokalarien arteko partidua jokatuko du Real Unionek. Ateak irekitako neurketa litzateke, “ikusleen inguruko xehetasunak datak hurbildu ahala jakinaraziko dira”, dio oharrak.

Uztailaren 31n taldearen aurkezpena. 

San Inazio egunarekin batera, Real Unionek lehen taldearen aurkezpen ofiziala egingo du. Nahiz eta egitaraua oraindik ez jakin, klubak jakinarazi du “klubak aurkezpen ekitaldi batean lanean ari da, lehen taldea eta harrobia osatzen duten jokalari, entrenatzaile eta laguntzaile aurkezpena izango dena”. Gainera, egun horretan bertan, azken 8 denboraldietan Real Unionen kamiseta defendatu eta kapitainen besokoa eraman duten Jorge Galanen eta Mikel Azkoitiren agurra izango da.