MARIñO:Laura, Udane, Gorbea (Lara 67'), Lide, Erku, Uxue, Ane, Sara, Marina (Nekane 54'), Aneto, Ey.

ARDOI:Maria, Uxue (Ianire 45'), Sote, Henar, Marian, Valeria, Bea (Alicia 45'), Julia, Sara (Celia 70'), Miriam (Alazne 60'), Ane Azkona.

GOLAK:0-1: Ane Azkona (6’). 0-2: Alicia (71’). 1-2: Aneto (79’). 1-3: Celia (84’).

Ligaren amaieran behera egin du Emakumeen Bigarren Mailako Mariñok. Sei jardunaldi eman ditu irabazi gabe. Ondorioz, kinka larrian dago azken jardunaldiaren aurretik. Bi puntuko aldea du momentu honetan azken jaitsiera postuan dagoen Peñas Oscenses taldearekiko.

Permanentzia bermatzeko aukera izan zuten urdinek igandean Landetxan, Zizur Nagusiko Ardoiren kontrakoan. Baina talde nafarra sailkapeneko bosgarrena da, eta Irungo berdegunean ere nagusi izan zen. Seigarren minutuan sartu zuen lehen gola Ardoik. Lehen zatian abagune argiak sortzea lortu ez zuenez, oldarkor irten zen Mariño bigarren zatian.

Gola sartu beharrean, ordea, jaso egin zuten urdinek 71.minutuan. Ez zuten amorerik eman, eta markagailuko aldea murriztea lortu zuten zortzi minutu beranduago. Azken hamar minutuetan berdinketaren bila arriskatu behar izan zuten, eta hirugarren gola jaso zuten, 84.ean. Garaipenaren bila joan beharko du Mariñok Eibarrera azken jardunaldian. Armaginak salbu daude jada.