BAT-EKO MIQUELARENA ETA ALONSO ESPAINIAKO TXAPELKETAN

Miquelarenak laugarren postua eskuratu zuen eta Alonsok seigarrena Espainiako Txapelketako SUB18 mailan

Pasa den asteburuan Bidasoa Atletiko Taldeko Beñat Miquelarena eta Joaquin Alonso Valentzian izan ziren Espainiako Txapelketan lehiatzen, SUB18 kategorian. Biak ere lan ona egin ondoren, laugarren eta seigarren postua eskuratu zuten hurrenez hurren. Gainera, Alonsok bere denbora onena ere lortu zuen.

Alde batetik, Beñat Miquelarenak 200 metroko proban parte hartu zuen. Atleta gazteak bere seriea irabazten hasi zen 22,51ko denborarekin eta horrela, hiru finalerdietako batean lehiatzeko sailkatu zen. Hemen ere garaipena eskuratu zuen 22,58ko segundoan helmugaratuz. Finala berriz, oso lehiatua izan zen, eta Miquelarenak azken momentura arte estutu zuen Oriol Sanchez aurkaria. Hala ere, 0,06 segundogatik ez zuen lortu brontzezko domina eta sailkapeneko laugarren postuan amaitu zuen lehiaketa, 22,39ko denbora izugarria lortuz.

Beste aldetik, Joaquin Alonsok 60 metroko hesi-lasterketan lehiatu zen, eta lan ona egin zuen honek ere hasieratik. Lehendabiziko seriean bigarren postua lortu zuen 8,16ko denborarekin, eta honekin bi finalerdietako batean parte hartzeko txartela eskuratu zuen. Finalerdian ere ia denbora bera egin zuen, 8,18koa, eta laugarren helmugaratu zen finalean egoteko aukera erdietsiz. Hau Alonsorentzat estatu mailako lehen finala zen, baina BAT-eko atleta ez zen honen aurrean kikildu. Taldearen erasoari eutsi zion eta 8,13 segundutan gurutzatu zuen helmuga, seigarren postua eta bere marka pertsonala lortuz. 

HAMAIKA DOMINA ESKURATU DITUZTE BATEKO ESKOLARTEKOEK GIPUZKOAKO TXAPELKETAN

Plaiaundin jokatu zen alebin eta infantil mailako Gipuzkoako Txapelketa eta etxekoek hamaika domina bildu zituzten guztira

Gipuzkoako alebin eta...

BIDASOA ATLETIKO BETERANOEK HAMAIKA DOMINA ESKURATU DITUZTE EUSKADIKO TXAPELKETAN

Irungo klubeko Arantxa Ausan, Juana Usabarrena, Miguel Arburua, Imanol Gil eta Javier Garcia Arnedo nagusitu ziren kategoria desberdinetan

Euskadiko...

HONDARRIBIAKO 10K HERRI LASTERKETA IGANDE HONETAN OSPATUKO DA

Ibilbide laua eta oztoporik gabekoa denez, marka egiteko aproposa izanen dela iragarri dute antolatzaileek

Lasterketaren aurkezpena egin zuten orain dela...

BATEK BIGARREN ETA LAUGARREN POSTUAK ESKURATU DITU EUSKADIKO KLUB ARTEKO TXAPELKETAN

Gizonezkoek urrezko sei domina eta emakumeek bertze bi eskuratu zituzten, bertze hainbat dominekin batera

Euskadiko Klub arteko txapelketa ospatu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika