Bigarrenez geratuko da bertan behera Beñat Elzo mendi lasterketa. Hala iragarri zuen antolakuntzak bart komunikabideoi bidalitako prentsa-oharrean. Nahiz eta Covid-19aren inguruko neurri murritzaile gehienak bertan behera geratu, “hilabeteetako ziurgabetasunak” antolakuntza lasterketa bertan behera uztera behartu dute.

Lasterketako antolakuntzak bidali duen prentsa-oharrak dioena honako hau da: “ziurgabetasun handikoak izan dira azken hilabeteak eta nahiz eta esperantzaz azken unerarte itxaron, berme eta denbora nahikorik gabe geratu garenez, Beñat Elzo Mendi Lasterketako antolakuntza taldeak, azaroaren 1an ospatu ohi dugun lasterketa berriz ere bertan behera uztea erabaki dugu”.