BIDASOA INDARREZ BUELTATU DA ARTALEKURA
Eskubaloia

BIDASOA INDARREZ BUELTATU DA ARTALEKURA

Atzo Orlen Wisla Plock taldearen aurka aritutako partiduan 28-29ko markagailu estua erdietsi zuten irundarrek

Covid-19ko gaixotasunak jota, Bidasoa taldeak derrigorrezko geldialdia egin behar izan zuen azkeneko bi asteetan, eta atzo ekin zioten berriz ere lehiari Artalekun jokatu zen EHF Ligako partiduarekin. Oraindik jokalari guztiak martxan ez bazeuden ere, harrobiko mutilekin taldea osatu eta Orlen Wisla Plock talde poloniarraren aurka neurtu ziren beraien indar eta adorea erakutsiz.

Arerio zaila zuten irundarrek atzokoan, eta hori ikusi zen partiduaren lehen zatian. Poloniarrak lehenbiziko momentutik golak sartzen hasi ziren, eta 15. minuturako lau goleko hutsunea irekitzea lortu zuten. Markagailuko zulo hori gainera, handitzen joan zen sei puntuko tartera ere ailegatuta, Orlen Wisla Plock taldearen aldera jarriz (18. minutuan, 5-11). Atsedenaldia berriz, 11-16ko markagailuarekin hasi zuten.

Bigarren zatia ere joera berarekin hasi zen. Poloniarrek neurketa gidatzen jarraitu zuten, baina irundarrek ez zuten amore eman, eta poliki poliki aldea murriztea lortu zuten, berdinketara ailegatu arte. Partiduko azken bost minutuetan 25-28ko markagailutik, 28-28kora iritsi ziren 28. minutuan. Azkenean, nahiz eta gogoz saiatu, ezin izan zioten horri eutsi eta Orlen Wisla Plock-ek sartutako golarekin, neurketa 28-29 amaitu zen, poloniarren garaipen estuarekin.

Emozioz eta tentsioz betetako norgehiagoka izan zen, batez ere azken minutu horietan. Bidasoak azken asteetan izan dituen arazoei arrakastaz aurre egin eta bere adorea erakutsi zuen kantxan beste behin, zaleei sinestaraziz garaipena lor zitekeela. Jokalariek ere honekin amets egiteko aukera izan zuten azken minutuetan. Jon Azkuek esan zigun moduan, “partidu hasieran ez genuen uste hain gertu ibiliko ginenik. Lehenengo zatian pixka bat kostatu zaigu, eta bigarren zatian, Artalekuren laguntzarekin, indarrak bertan utzi ditugu eta berdinketara ailegatu gara”. Ander Ugarte ere Azkuerekin ados azaldu zen: “Bagenekien zaila izango zela, saiatu gara eta azkeneko minutuetan ikusi dugu aukera zegoela, baina ezin izan da”.

Hala ere, neurketa honetan gertatutakoak indarra emango dio Bidasoari hurrengo asteko hitzorduei aurre egiteko. Azkuek onartu zuen moduan, “beste behin ikusi da Bidasoa zer den, momentu zailetan denok elkar hartu eta horrelako partiduak ateratzen dira. Honek indarra emango digu hurrengo asterako”. Ugartek ere hurrengo jardunaldietarako prest egon daitezkeela aitortu zuen: “Orain badakiguna egiten jarraitu behar dugu. Partidu oso zailak etorriko dira hurrengo asteetan eta horrela jokatzen badugu puntu asko etor daitezke”.

Azkenik, Jon Azkuek eskerrak eman nahi izan zizkien bere taldekideei, baita Artalekura hurbildu ziren zale guztiei ere: “Zoriondu taldeari egin duen esfortzuagatik, eta eskerrik asko Artalekuri gaur hemen bizi izan denagatik”.

(Argazkia: Eduardo Agreda)

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika