Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
06 Ira, 2022
Txapelketa desberdinek onartzen duten bazkide kopurutik gertu dago kluba
Bidasoak 1.500 bazkide baino gehiago zenbatu ditu Liga hasiera honetan. Dagoeneko aurreko urteko muga gainditu du, izan ere, pasa den denboraldian 1.450 bazkide zituen. Gainera, zenbaki hori, klubak txapelketa desberdinetako neurketetan jasotzen ahal dituen ikusleen mugatik gertu dago.
Aurtengo denboraldian, Europako Txapelketa aste tartez jokatu da eta horrek abantaila batzuk izanen ditu Bidasoarentzat, baita bere zaleentzat ere. Izan ere, egoera honetan, Artalekuk, bere edukiera osotik (1.943), 1.600 ikusle hartzeko aukera izanen du.
Bidasoak, pandemia garaian, bazkide kopurua mantendu du. Gainera, azkeneko bi urteetan etxeko neurketak ikusteko zailtasunak eduki arren, klubak bazkideen kuotak beste bi urtez mantentzeko erabakia hartu zuen aurreko astean ospatutako ohiko batzar orokorrean. Horrela, helduek (26 eta 64 urte bitarte) 140 euro ordaindu beharko dute, ASOBAL Ligako 15 partida ikusteko. Honez gain, orain arte bazkide izan direnentzat doakoa izanen da Artalekun joka daitekeen Errege Kopako kanporaketa bizitzea. 65 urtetik gorakoek eta juniorrek berriz, (19-25) 95 euro ordaindu beharko dute. Langabetuek eta gazteek (15-18), 80, eta haurrek 20 euro. Azkenik, familiek ere elkarrekin bazkide egiteko aukera izanen dute. Horrela, bi helduk eta 14 urtetik beherako bi haurrek 220 euro ordainduko dute guztira.
Bazkide moduan alta eskatzeko, bazkideak@cdbidasoa.eus helbidera idatzi beharko da, nahiz eta klubetik aurrez aurreko eskaera egiteko gomendioa luzatu duten, eserleku egokiena aukeratzeko. Hau egiteko Artalekuko bulegoa irekita egonen da, astelehenetik ostiralera, 10:30etik 13:00etara eta 15:30etik 18:30era.
Bertze aldetik, Bidasoak adierazi duen moduan, aurten bazkideek Liga hasieratik izanen dute aukera beraien eserlekua bertze bati uzteko. Bere ordez Artalekura doan lagunak abonamenduaren kategoria berekoa izatea da eskakizun bakarra. Gainera, aldaketa hau online egiteko aukera ere izanen dute Bidasoako zaleek.
Nahiz eta sarrerak kudeatzeko prozesua digitalizatua egon, Bidasoa klubak txartel fisikoa eskuratzeko aukera ere ematen du, 65 urtetik gorakoek hau lortzeko lehentasuna dutelarik. Beste kategoriako bazkideek Artalekuko bulegoan eskura dezakete txartel fisikoa. Aste honetan bulegoa 10:30etik 13:00etara eta 15:30etik 20:30era egonen da irekita. Gaur berriz, irailak 6, jaieguna denez, bulegoa goizez bakarrik egonen da irekita, 10:30etik 13:00etara.
(Argazkia: Arrate Morales)
Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan
CD Bidasoak eta Hondarribia...
Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan
Bidasoa Irungo...
Euskal Herri osotik etorritako sei taldek hartuko dute parte txapelketan
III. San Martzial Senior Nesken Eskubaloi Torneoa ospatuko da bihar, ekainaren...
CD Bidasoak, bi urteren buruan, aukera izanen du bi jokalariak berreskuratzeko
CD Bidasoak jakinarazi duenez, Ohorezko Mailako EON Horneo Alicante...
Barçaren kontra 28-32 galdu ondotik, denboraldia agurtu zuen talde horiak
Bidasoa Irunek ezin izan zuen Barça garaitu Errege Kopako finalerdietan....