Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
27 Mar, 2021
Asobal Liga amaitutzat emateko 9 jardunaldi geratzen direnean, Bidasoak 39 puntu ditu. Bigarren zatian neurketa hautsi eta 31-23 mendean hartu du Quabit Guadalajara.
Lehen zatiak ez du agintari argirik izan. 30 minutuan bi goletan mantendu dira aldeak, Bidasoarentzat zein Guadalajararentzat. Batek jo duenan, besteak erantzun du. Hitz gutxitan, hori izan da lehen zatiaren jarduna. Ez Guadalajarak, ez Bidasoak, ez dute lehen zatian neurketa hausteko ahalmena izan. 8.minutuan, neurketan lehen aldiz jarri da Guadalajara aurretik, 3-4 eta 3-5. Jacobo Cuetarak hutsartea eskatu du. Bidasoak 3-0eko partziala eskuratu du eta 6-5 buelta eman dio kontra zuten aldeari. Lehen zatian Jon Azkue izan da talde irundarraren erasoko jokalari garrantzitsuenak; oriotarrak 6 gol egin ditu. Edonola ere, Gudalajara lan txukuna betetzen jarraitu du. JJ Hombradosek 9 geldiketekin mantendu du kanpoko taldea eta Gaston Moruriñoren, Bidasoako jokalari ohiaren, golek gudalajararren alde jarri du berriz markagailua (6-7). Azkueren bidez errenta berria lortu du Bidasoak, 9-7 aurretik jarri dira, baina Paredes eta Dariel Garciak 10-10 berdindu dute norgehiagoka. Azkeneko bost minutuetan, Xoan Ledok bi baloi gelditu ditu eta Iker Serranoren piboteko jokoak 2 gol eragin ditu Bidasoarentzat.
Bigarren zatia bi goleko aldearekin, 13-11, ekin dio Bidasoak. Nahiz eta lehen bi erasoetan Azkuek eta Salinasek gola egiten asmatu duten, Guadalajarak erritmoa ezarri nahi izan dio neurketari eta Dariel Garciak segidan gauzatutako bi golen bidez, lehen bost minutuetan 15-15 berdindu du partidua. Hurrengo bost minutuetan Bidasoak lau goleko aldea lortu du, ordura arte neurketako nagusia. Jon Azkue, Sergio de la Salud eta Rodrigo Salinas izan dira errenta ahalbidetu duten jokalariak (20-16). Mariano Ortegak, Gudalajararen entrenatzaileak, hutsartea eskatu du, baina ez du eragin handirik izan; horrezkero talde irundarrak norgehiagoka kontrolpean zuen. Polemikarako hastia ere egon da. Gudalajarak, sustuki, Xoan Ledoren kaleratzea eskatu du Gaston Mauriñorekin izan duen tupustarengatik. Kanpoko taldea neurketaren kokalekua galdu du eta Bidasoak bikain baliatu du 24-19 aurretik jartzeko.
Azken 10 minutuetan markagailua eutsi besterik ez du egin. Jon Azkueren (11 gol) eta Xoan Ledoren (7 geldiketa bigarren zatian eta 9 orotara) lan zoragarriak beste bi puntu Artalekun geratzea baimendu du. Azkenean, Bidasoak zortzi golen aldeagatik, 31-23, Quabit Guadalajarari irabazi dio.
31 – Bidasoa Irun (13+18). Sierra, Cavero (1), Crowley, Aginagalde (1), Salinas (4), De la Salud (5, 1p.), Azkue (11, 3p); Ledo (2), Racotea, Zabala (3), Tao Gey, Serrano (3), Tesoriere, Da Silva (1), Nieto, Bonanno.
23- Quabit Guadalajara (11+12). Hombrados, Savini (3), Pereira (3, 1p), Gallardo (1), Paredes (4), Mouriño (4), García (5); Santamaría, Romanillos, Sanz, Román, Rodríguez, López, Bodí, Díaz (3), Marmesat.
Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan
CD Bidasoak eta Hondarribia...
Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan
Bidasoa Irungo...
Euskal Herri osotik etorritako sei taldek hartuko dute parte txapelketan
III. San Martzial Senior Nesken Eskubaloi Torneoa ospatuko da bihar, ekainaren...
CD Bidasoak, bi urteren buruan, aukera izanen du bi jokalariak berreskuratzeko
CD Bidasoak jakinarazi duenez, Ohorezko Mailako EON Horneo Alicante...
Barçaren kontra 28-32 galdu ondotik, denboraldia agurtu zuen talde horiak
Bidasoa Irunek ezin izan zuen Barça garaitu Errege Kopako finalerdietan....