Bidasotarrek EHF-ko Multzo Faseko hirugarren jardunaldia jokatuko dute talde ukrainarraren kontra

Bidasoak bihar berrekingo dio EHF European League txapelketari. Multzo Faseko hirugarren jardunaldia jokatuko du talde irundarrak eta berriz ere Artalekun, etxean, eginen du. Oraingo honetan, HC Motor talde ukrainarra jasotzea egokituko zaio eta neurketa gaueko 20:45ean ospatuko da.

Jacobo Cuetarak biharkoa garrantzi handiko partidua izanen dela erran du. Izan ere, berak aipatu duenez, biharko partidua irabazteak “hamar neurketa baina gehiago jokatzea” ekar dezake. Bidasoak “fase honetako 10 jardunaldiak jokatzeko eskubidea irabazi du”, Cuetararen hitzetan, eta “gehiago ere jokatzeko motibatuak” daude. Europako txapelketari jarraipena emateko beraz, biharko neurketan garaipena eskuratzea “garrantzitsua” izanen da, eta horretarako “motibatuak” daudela argitu du entrenatzaileak.

HC Motor-rek, azken urteetan, “maila bajuagoa” baldin badu ere, “indar handiko talde bat da, jokalari altuekin eta oso sendoak”, jakinarazi du asturiarrak. “Epaileek erabakitzen duten punturaino iritsiko dira kontaktuak eta hor egon daiteke neurketaren gakoa”, aipatu du Cuetarak. Honez gain, Bidasoak ere bere erasoari erreparatu beharko dio. Prestatzaileak onartu duenez, “modu dinamikoan egin beharko dugu erasoa, arazo taktikoak sortuz”.

Hau kontuan hartuta, “bihar kantxaratuko duten jokoaren araberako partidua” izanen dela adierazi du Jacobo Cuetarak. “Europako txapelketan neurketa guztiak zailak” baitira, entrenatzailearen iritziz.