Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
01 Ots, 2022
Irundarrek Benidorm taldea jasoko dute bihar, arratsaldeko 20:15ean, Errege Kopako hirugarren kanporaketa jokatzeko
Bidasoak bihar ekingo dio denboraldiko bigarren zatiari, eta hitzordu garrantzitsu batekin egingo du gainera. Izan ere, Errege Kopako hirugarren kanporaketa jokatu beharko du lehendabiziko partidu honetan. Zozketak agindu bezala, irundarrek Benidorm taldea jasoko dute bihar Artalekun, arratsaldeko 20:15ean, joaneko neurketa jokatzeko asmoarekin.
Lehengo ostiralean, Torrelavegaren aurka jokatu beharreko lagunartekoa bertan behera uzteko neurria hartu zuten irundarrek, Covid kasu positibo bat zela eta. Arrazoi beragatik ere, jokalariek asteburuan ez dute entrenamendurik egin eta denboraldiko bigarren zati hau zalantzekin hasiko dutela onartu du Jacobo Cuetara entrenatzaileak: “Hiru egun daramatzagu geldirik eta ez da lehiaketa hasteko modurik onena. Ondo ginen, baina ezustekoak izan ditugu. Gainera, lehenengo lagunartekoan izan genuen errendimendua oso txarra izan zen eta guzti horrek zalantzak sortzen dizkigu”.
Ziurgabetasun honekin, beraz, egingo diote aurre biharko neurketari. Cuetarak prentsaurrekoan aipatu duen moduan, “bi taldeak ere ezbaiean hasiko dugu kanporaketa. Neurketa honi lehendabiziko zati handi bati bezala aurre egingo diogu. Oso zaila izango da kanporaketa hau, segur aski Benidormen bertan erabakiko dena”. Horregatik, “ahal dugun emaitzarik onena” lortu behar dutela ere esan du entrenatzaileak.
Bidasoak Benidorm taldea ezaguna du jada, izan ere, bere aurka jokatu zuen Ligako lehenengo zatiko azken partidua. Irundarrak konfinamendutik atera berriak ziren orduan eta Orlen Wisla Plock-en aurka norgehiagoka gogorra jokatua zuten aste horretan bertan. Hori probestuta, Benidormek “min handia” egin ziela aitortu du prestatzaileak, Bidasoako “ahulgune guztiak harrapatu baitzituzten”. Horregatik, eta taldeak denboraldian zehar behetik gora egin duelako ere, “arerio zail bat izango da eta oso berdinduta egongo gara beraien aurka”, azaldu du Cuetarak.
Denboraldiko bigarren zati honen hasierari begira, “poliki-poliki” joango direla aipatu du entrenatzaileak. Izan ere, lehendabiziko neurketatik “asko izango dugu jokoan eta arerio gogorrak izango ditugu aurrez aurre”, gaineratu du.
Pandemiaren egoera dela eta, Artalekuk 800 zale baino ezingo ditu hartu bihar, baina norgehiagoka Bidasoako Youtube-ko kanalean jarraitu ahal izango da esteka honen bidez: https://www.cdbidasoa.eus/eu/en-directo/
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...