BIDASOAK ENTRENAMENDU IREKIA OSPATUKO DU GAUR
Eskubaloia

BIDASOAK ENTRENAMENDU IREKIA OSPATUKO DU GAUR

Zaleentzat saio berezia prestatu du lehen taldeak eta, hori aprobetxatuta, pintxopotea egiteko aukera egonen da pabilioian, baita denda bisitatzekoa ere

Bidasoa Irunek entrenamendu irekia ospatuko du gaur arratsaldean Artalekun. 19:30ean hasiko da saioa, baina ordubete lehenagotik pabilioieko ateak irekita egonen dira taldeko jokalariekin egoteko, pintxopoteaz gozatzeko eta Bidasoaren denda bisitatzeko.

Jacobo Cuetararen mutilek zaleen presentziarekin ospatuko dute gaur arratsaldeko entrenamendua. 19:30ean hasiko dute saioa, baina jarraitzaileak 18:30etik aitzinera hurbildu ahalko dira Artalekura, ordu horretatik hasita, pintxopoteaz gozatzeko aukera izanen baitute bertara joaten direnek. Nahi duen guztiak, 2,5 euroen truke, tortilla pintxoa eta garagardoa eskatzeko aukera izanen du, eta 2 euroen truke, freskagarria edo ur botila.

Honez gain, klubaren arropa erosteko aukera ere egonen da bertan. Partidu egunetan kokatzen den leku berean egonen da denda eta joko eta entrenamenduko kamisetak, BDS lerroko arropa eta klubeko bertze hainbat produktu erosi ahal izanen dira. Gainera, salgai dauden gauza guztiak deskontua izanen dute eta bazkideek ohiko %10eko beherapen gehigarria izanen dute.

Entrenamendua hasi baino ordu erdi lehenago, jokalariak argazkiak ateratzeko eta sinatzeko prest egonen dira baita ere. Jakub Skrzyniarz, Mehdi Harbaoui, Rodrigo Salinas eta Matheus Francisco da Silva ez dira Artalekun egonen, Munduko Txapelketa jokatzen ari baitira, baina gainerako jokalari guztiak bertan izanen dira zaleekin batera, Pedro Pacheco fitxaketa berria barne.

Denboraldiko bigarren itzulia hastear da eta, datozen hilabeteotan, Artalekun Plenitude ASOBAL Ligako zortzi neurketa jokatuko dira. TM Benidorm taldetik hasita (10. sailkatua), Batcho Torrelavega (5.), Barça (1.), Logroño La Rioja (6.), Cisne (15.), Abanca Ademar (4.), Rebi Cuenca (3.) eta Angel Ximenez Puente Genil (8.) etorriko dira Irunera.

(Argazkia: Edu Agreda)

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika