Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
17 Aza, 2021
EHF-ko hirugarren jardunaldia 24-26ko markagailuarekin amaitu zen Toulouseren alde
Artalekuk EHF Ligako hirugarren jardunaldia jaso zuen atzo 1.623 zaleen aurrean. Oraingo honetan, Bidasoari Toulousen aurka neurtzea egokitu zitzaion eta, aurreikusi zuten moduan, norgehiagoka zaila izan zen irundarrentzat. Nahiz eta partidu ona jokatu eta indartsu aritu, okzitaniarrek eraso gogorrak egin zituzten eta behin abantaila hartuta, Bidasoak ezin izan zuen markagailuan sortutako zuloa guztiz itxi.
Lehenengo zatia nahiko parekatua hasi zen, eta Bidasoak aurretik jartzea ere lortu zuen, Léo Renaud-Davidek sartutako 2-1ekoarekin. Hala ere, hortik aurrera Toulouse errenta hartzen hasi zen eta 10. minuturako lau puntuko aldea (4-8) ireki zuen. Irundarrek markagailuko tartea berditzera arte (18. minutuan 8-8) murriztea lortu bazuten ere, kanpoko taldea aurretik ezarri zen partidu amaiera arte.
Atsedenaldira 11-13ko markagailuarekin ailegatu zen neurketa, eta alde hori bigarren zati guztian zehar mantendu zen. Partiduko azken bost minutuetan, lehia estua izan zen bi taldeen artean, eta Bidasoak aukera paregabea izan zuen Toulousen puntuetara hurbiltzeko. Renaud-Davidek azken 15 segundutan sartutako gol batekin, markagailua 24-25en jartzea lortu zuen. Artalekun zeuden zaleak horretan berdinketan amaitzeko aukera ikusi bazuten ere, epaileek partiduaren bukaera adierazi baino lehen, kanpokoek azken gola sartu eta 24-26ko markagailua utzi zuten azkenik.
Neurketaren ondoren, bai Zabala eta bai Aginalde ados zeuden arratsaldeko gakoa beraien erasoan egon zela. Zabalak aipatu zuen moduan, “hasieran pixkat urduri ginen eta ez gara erasoan hain fin ibili”. Europan jokatzen diren partiduen zailtasuna nabaria dela ere onartu zuten eta Julen Aginagaldek esan zuen bezala, “Europan partidu bat irabazteko, partidu borobila egin behar da”. Ez zen horrelako izan atzokoa, baina oraindik asko falta da eta Bidasoak aukera izango du akatsak zuzentzeko.
Hurrengo hitzorduak
Asteburu honetan izango dute irundarrek hurrengo neurketa. Larunbatean, Sacyr Asobal Ligaren barruan, Batcho Torrelavegaren aurka arituko dira Artalekun, arratsaldeko 18:30ean. Hurrengo asteartean berriz, EHF Ligako hitzordua izango dute. Oraingo honetan kanpoan izango da, Pfadi Wintherthur taldearen aurka, arratsaldeko 20:45ean.
(Argazkia: Eduardo Ágreda)
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
Euskal Kopa bereganatu ondotik, Bidasoa Irunek Frigorificos del Morrazo jasoko du bihar (apirilaren 26an) Artalekun
Bidasoa Irunek Euskal Kopa...
Jacobo Cuetararen mutilek ezin izan zuten Ademar Leon garaitu eta 33-32ko markagailuarekin galdu zuten bertan
Bidasoa Irunek 33-32ko...
Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...