Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
08 Ots, 2023
Talde irundarrak goitik behera egin zuen neurketa aitzinera joan ahala
Bidasoak EHFko Multzo Faseari ekin zion atzo iluntzean. Aguas Santas Milaneza talde portugaldarra bisitatu zuen atzoko jardunaldian eta ongi hasi bazen ere, azkenean etxekoek aurrea hartu zuten eta hiru golengatik garaipena eskuratu zuten. Matematikoki hurrengo fasera sailkatzeko aukera galdu dute porrot honekin, baina taldea indartsu dago datozen partiduetan helburu hori lortzeko.
Neurketa hasi eta, lehen berdinketen ondotik, aurretik jarri zen Bidasoa hamargarren minutuan (3-5). Markagailua euren alde jarrita, horrela segitu zuten hurrengo jokaldietan ere. Atsedenaldira iristeko hamar minutu gelditzen zirenean berriz, etxekoek errenta murriztu eta 11-11koa ezarri zuten. Ez hori bakarrik, aitzinetik jartzea ere lortu zuten, nahiz eta Matheus Francisco da Silvak eta Jon Azkuek 14nakoa ipini zuten lehen ordu erdia bukatu zenerako.
Bigarren zatian eskema bera errepikatu zen eta Bidasoaren jokoa goitik behera joan zen. Lehen errentak talde irundarraren alde izan ziren, baina 45. minuturako, Aguas Santasek berriz ere emaitza berdintzea lortu zuen. Erasoan arrakasta edukita, etxekoak aitzinetik jarri ziren eta, poliki-poliki, abantaila eskuratzen hasi ziren. Gol bateko errentatik hiru goleko errentara pasatu ziren eta Jacobo Cuetararen mutilek ezin izan zuten hori irauli. Azkenik, 28-25eko markagailuarekin galdu zuen Bidasoak.
“Triste” baina indartsu dago Bidasoa, Jacobo Cuetararen hitzetan. “Matematikoki hurrengo fasera sailkatzeko aukera” galdu zuten atzo, baina saiatzen jarraituko dute datozen jardunaldietan. Orain, berriz ere, Plenitude ASOBAL Ligako neurketan daude zentratuta. Izan ere, ortziralean (otsailak 10) jokatuko dute Frigorificos Morrazo taldearen kontra, Galizian, 21:30ean.
(Argazkia: Aguas Santas Milaneza)
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...