BIDASOAK MENDEAN HARTU ZUEN TATRAN PRESOV ARTALEKUN
Eskubaloia

BIDASOAK MENDEAN HARTU ZUEN TATRAN PRESOV ARTALEKUN

Bidasoak 33-24ko markagailuarekin irabazi zuen atzo Tatran Presov taldearen aurrean, EHF Ligako sailkapenean sei puntu batuz

Bidasoa Irunek atzo EHF Ligako zazpigarren jardunaldia jokatu zuen Artalekun Tatran Presov talde eslobakiarraren aurka, eta 33-24ko markagailua eskuratu zuen. Honekin, garaipen garrantzitsua erdiesteaz gain, sailkapenean sei puntu batzea eta A multzoko laugarren postua sendotzea ere lortu zuten irundarrek.

Neurketa hasi eta lehendabiziko zatian oso parekatuak ibili ziren bi taldeak. Bidasoak ez zuen lortu errenta erabakigarri bat 20. eta 25. minutuen artean 5-1eko partziala eskuratu arte. Atsedenaldira iristeko bost minutu falta zirenean, 13-9ko markagailua zuten irundarrek beraien alde. Hurrengo minutuetan gainera, 5-1eko beste partzial bat egin zuten etxekoek eta horrekin 16-11koarekin amaitu zuten lehen zatia. Hau, taldeak eta Sierra atezainak egindako defentsa lanari esker izan zen, baita Presov-ek bere atea zaindu ez zuelako ere. Eslobakiarrak atea hutsean utzi zuten eta Bidasoak atezaina kantxan ez zegoela aprobetxatuta, hiru gol sartu zituen jarraian (bi Dariel Garciak eta bat Adrian Fernandezek).

Bigarren zatia oraindik indartsuago hasi zuten Cuetararen mutilek. Segidan, golak sartzen eta bi taldeen arteko aldea zabaltzen hasi zen Bidasoa, 40. minuturako hamar goleko errenta eskuratuz (23-13). Hamahiru goleko aldea ere lortu zuten etxekoek momentu batzuetan (45. minutuan, 27-14), baina Presov-ek hutsartea eskatu eta gogor erasotzen hasi zen, bere akatsak zuzentzeko asmoarekin. Errenta txikitzea ere lortu zuten eslobakiarrek, bederatzira murriztuz, eta nahiz eta Bidasoak berriz ere aldea handitu zuen azken bost minutuetan, bederatziko errenta hori berreskuratu zuten kanpokoek neurketaren amaierarako (33-24).

Talde guztiak oso lan ona egin zuen atzoko jardunaldian, eta azpimarratzekoa izan zen harrobiko lau jokalariek erakutsi zuten indarra. Julen Urruzolak Europako Txapelketan debuta egiteaz gain, Julen Mujikak sartu zituen bost golak aipagarriak izan ziren. Gainera, Jose Manuel Sierra atezainak ere denboraldiko bere lehen gola sartu zuen. Lehenengo aldiak garrantzitsuak izan ziren jardunaldi honetan, Sierrak berak esan zuen moduan, “taldea ziurtasunarekin atera da eta 5-1eko partziala gakoa izan da guretzat. Baloi asko lapurtu ditugu, gol errazak sartzea ere lortu dugu eta errenta zabal horrekin errazagoa izan da dena”.

Jacobo Cuetara ere oso pozik azaldu zen taldeak lortutakoarekin: “Oso kontent nago, sailkatzeko garaipen garrantzitsua eskuratu dugu. Nik ere uste dut 5-1eko partziala erabakigarria izan dela eta honek lasaitasunarekin erasotzea baimendu digula. Horrek eta zaleen aurrean jokatzeak eta beraiek azkenean eman diguten bultzadak”.

Kauldi Odriozolak ere partidaren ondoren gogora ekarri zituen Jon Azkue eta Rodrigo Salinas jokalariak, lesioengatik ezin baitira oraindik kantxaratu: “Bi baja garrantzitsu ditugu eta aurreko egunean Cangasen aurka zalantzekin joan ginen. Nik uste denak gogoz ginela Artalekun partidu on bat egiteko, jendea gustora lagatzeko eta gu ere gustora gelditzeko, eta horrela izan da. Partidu oso konpletua izan da, errenta oso handia hartu dugu eta azken minutuetan nik uste lasaiago jokatu ahal izan dugula eta garaipen oso garrantzitsu bat lortu dugula”.

(Argazkia: Eduardo Agreda) 

BIDASOAK ATE IREKIKO SAIOA ANTOLATU DU EMAKUME INFANTILENTZAT
Eskubaloia

BIDASOAK ATE IREKIKO SAIOA ANTOLATU DU EMAKUME INFANTILENTZAT

Jardunaldiak maiatzaren 21ean, 23an, 28an eta 30ean ospatuko dira Artalekun

CD Bidasoak ate irekiko saioak eginen ditu 2011 eta 2012 urte artean jaiotako...

JACOBO CUETARA: “NEURKETA BEREZIA IZANEN DA, BAINA TXAPELDUNORDETZA LORTU BEHAR DUGU DENAREN GAINETIK”
Eskubaloia

JACOBO CUETARA: “NEURKETA BEREZIA IZANEN DA, BAINA TXAPELDUNORDETZA LORTU BEHAR DUGU DENAREN GAINETIK”

Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan

Bidasoa Irunek Plenitude ASOBAL...

CIUDAD REAL IZANEN DA BIDASOAREN AURKARIA ERREGE KOPAKO FINAL LAURDENETAN
Eskubaloia

CIUDAD REAL IZANEN DA BIDASOAREN AURKARIA ERREGE KOPAKO FINAL LAURDENETAN

Maiatzaren 31n ospatuko da neurketa Jaengo Olivo Arenan

Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...

BIDASOA IRUNEK EUROPAKO IBILBIDEARI BERREKINEN DIO HELDU DEN DENBORALDIAN
Eskubaloia

BIDASOA IRUNEK EUROPAKO IBILBIDEARI BERREKINEN DIO HELDU DEN DENBORALDIAN

Talde horiaren hamazazpigarren partehartzea izanen da EHF European Leaguen

Bidasoa Irunek pasa den asteburuan lortu zuen aurtengo denboraldiko helburu...

EÑAUT URUÑUELA DA CD BIDASOAREN EMAKUMEEN ARLOAREN KOORDINATZAILE BERRIA
Eskubaloia

EÑAUT URUÑUELA DA CD BIDASOAREN EMAKUMEEN ARLOAREN KOORDINATZAILE BERRIA

Emakumezkoen eskubaloia maila guztietan indartzeko erronka duela argitu du klubak

C.D. Bidasoak emakumezkoen eskubaloiarekin zuen zor historikoa...

BIDASOAK EZIN IZAN ZUEN BADA HUESCA GARAITU
Eskubaloia

BIDASOAK EZIN IZAN ZUEN BADA HUESCA GARAITU

Talde irundarrak 32-29 galdu zuen eta txapeldunordetza irabazteko lehen aukera galdu zuen

Bidasoak Bada Huescaren kontra galdu egin zuen pasa den...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika