BIGARREN GARAIPENA JARRAIAN LORTU DU REAL UNIONEK
Futbola

BIGARREN GARAIPENA JARRAIAN LORTU DU REAL UNIONEK

Sabadellen kontra irabazi eta hiru puntu gehiagtorekin bueltatu zen talde irundarra etxera

Real Unionek atzo jokatuko zuen Ligako hamabostgarren jardunaldia Sabadell-en kontra. Atsedenaldira hutsera iritsi baziren ere, bigarren zatian talde txuribeltzak gola sartzeko aukera aprobetxatu eta 0-1ekoa ezarri zuen behin-betiko markagailuan. Garaipen honekin, hiru puntu gehiago batu zituen David Movillaren taldeak sailkapenean.

Neurketa hasi eta berehala eduki zuen Alain Oyarzunek gola sartzeko aukera. Hala ere, Sabadell-eko atezainaren eskuetan erori zen baloia. Etxeko taldearen erantzuna hamar minutu beranduago iritsi zen, baina baloi hau ere kornerrera joan zen. Oyarzunek ez zuen amore eman eta bigarren saiakera egin zuen, berriro ere atezainak gelditu zuena. Atsedenaldira iritsi baino lehen, azken abagunea izan zuen Sabadell-eko Altimirak, areaz kanpoko jaurtiketa batekin, baina ez zuen punturik batu honekin.

Hutsera berdinduta hasi zen bigarren zatia eta lehen 45 minutuetan baino erritmo gehiago inposatu zuen etxeko taldeak. Hala ere, Irazustak egindako geldiketei esker, hutsean segitu zuen aurkariaren markagailua, gola sartzeko bi aukera sortu ondotik. Sabadell nagusitzen ari zenean, Real Unionek lortu zuen markagailuan aurrea hartzea. 59. minutuan, Alain Oyarzunek korner jaurtiketa bat egin eta Espigaresek buruz errematatu zuen 0-1ekoa eskuratuz. Hortik aitzinera, emaitza bere hortan mantentzeko lanetan jarraitu zuen talde txuribeltzak. Etxekoek aldiz, berdintzeko saiakerak egin zituzten, baina berriz ere Irazustak ongi defendatu zuen bere atea eta, 90 minutuan bukatuta, 0-1ekoarekin garaipena irundarren aldekoa izan zen.

Bi garaipen jarraian eskuratu ondotik, Real Unionek 19 puntu batu ditu guztira sailkapenean. Azken postuetatik aldenduta, hamahirugarren dago orain. Asteburu honetan berriz, Osasuna Promesas jaso beharko du talde txuribeltzak Stadium Galen, igandean arratsaldeko 17:00etan.

(Argazkia: Silvia Martinez)

REAL UNION ROCAK SAN MIGUELEN UTZI ZITUEN PUNTUAK
Futbola

REAL UNION ROCAK SAN MIGUELEN UTZI ZITUEN PUNTUAK

Unai Gordok bere atean sartutako gol baten ondorioz, Mutrikuk eraman zuen garaipena

Mutriku FT: Arambarri; Etxebarria, Blanco...

REAL UNIONEK GARAIPENA ESKURATU ZUEN ETXEKO AZKEN JARDUNALDIAN
Futbola

REAL UNIONEK GARAIPENA ESKURATU ZUEN ETXEKO AZKEN JARDUNALDIAN

Talde txuribeltzak Fuenlabrada garaitu zuen (2-1) luzapenean Bazek sartutako gol bati esker

Real Unionek denboraldiko azken aurreko jardunaldia...

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO
Futbola

IRUNGO UDALAK 534.000 EURO BIDERATUKO DITU STADIUM GALEN HOBEKUNTZAK EGITEKO

Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu 

Maiatzeko udal osoko bilkuran...

OSASUNAK UDAKO FUTBOL CAMPUSA EGINEN DU DONEZTEBEN
Futbola

OSASUNAK UDAKO FUTBOL CAMPUSA EGINEN DU DONEZTEBEN

4 eta 14 urte bitarteko haurrek hartzen ahalko dute parte ekainaren 24tik 27ra eginen den topaketan

Osasunak udako futbol campusa antolatu du Donezteben,...

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”
Futbola

FRAN JUSTO: “BIHAR IRABAZI NAHI DUGU AITZINERA PAUSU GARRANTZITSUA IZANEN DELAKO”

Real Unionek denboraldiko azken aurreko partidua jokatuko du bihar, azkena etxean, Fuenlabradaren kontra

Real Unionek denboraldiko azken aurreko partidua...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika