Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
29 Urt, 2021 Kiroletik, Irratsaioa, Kirolak, Irun, Antxeta Irratia, Balonmano, Eskubaloia, C.D. Bidasoa, Fenix Toulouse
Atzoko neurketarekin neguko prestaketa bukatutzat eman du Bidasoak. Fenix Toulouse taldearen aurka 28-28 berdinduta, datorren otsailaren 3an Leongo Ademarren aurka Sacyr Asobal Ligako bigarren itzuliari hasiera emango diote.
Atzoko egunean arerio gogorra izan zuen aurrean Bidasoak, Frantziako LidlStarliguen eta EHF Europa Leaguen dabilen Fenix Toulousen aurka jokatu zuen. Denboraldi-aurreko hirugarren eta azken neurketan, Jacobo Cuetararen taldeak maila ona erakutsi zuen; lehen zatian, neurketaren jaun eta jabe izan ziren; bigarrenean, ostera, etxekoak gailendu eta neurketa berdintzea lortu zuten.
Fenix Toulousen aurkakoa test garrantzitsua zen Jacobo Cuetararentzat eta taldeak hasieratik bikain erantzun zion erronkari. Partiduko lehen hamar minutuetan lau goleko errenta hartu zuen Bidasoak (3-7) eta nahiz eta etxeko taldea markagailuan gerturatu, atsedenaldiaren aurretik aldea handitu eta bost goleko abantailarekin itxi zuten lehen 30 minutuak (11-16). Bigarren zatian, Fenix Toulousek bere nagusitasuna erakutsi eta markagailua berdintzeko indar nahikoa izan zuen. Azkenean, Fenix Toulousek eta Bidasoak 28-28 bukatu zuten neurketa, biak ala biak beren lehiaketak hasteko prest.
Matheus Da Silvak, Jose Manuel Sierrak eta Kauldi Odriozola min hartuta, eta Rodrigo Salinas eta Nicolas Bonanno Munduko Txapelketatik itzultzear daudelarik, Jacobo Cuetarak Gorka Nieto, Tao Gey-Emparan eta Eneko Furundarena deitu zituen lehen taldearekin batera jokatzeko. Gey-Emparanek eta Eneko Furundarenak neurketa borobila jokatu zuten, lau eta bi gol egin zituzten, hurrenez hurren. Hala ere, eguneko goleatzaile nagusiak Julen Aginagalde (7) eta Dan Racotea (5) izan ziren.
Bidasoa Irun (16+12): Ledo, Gey-Emparan (4), Aginagalde (7), Tesoriere, Racotea (5), De la Salud (2), Zabala (3); Cavero (1), Azkue (4), Serrano, Furundarena (2), Urruzola, Nieto, Crowley.
Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan
CD Bidasoak eta Hondarribia...
Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan
Bidasoa Irungo...
Euskal Herri osotik etorritako sei taldek hartuko dute parte txapelketan
III. San Martzial Senior Nesken Eskubaloi Torneoa ospatuko da bihar, ekainaren...
CD Bidasoak, bi urteren buruan, aukera izanen du bi jokalariak berreskuratzeko
CD Bidasoak jakinarazi duenez, Ohorezko Mailako EON Horneo Alicante...
Barçaren kontra 28-32 galdu ondotik, denboraldia agurtu zuen talde horiak
Bidasoa Irunek ezin izan zuen Barça garaitu Errege Kopako finalerdietan....