14 Ira, 2021
Real Unionen harrobiko taldeak 1-1 berdindu zuen Zubipen, Hernaniren kontra.
“Baliotsua” den berdinketa eskuratu zuen asteburuan Real Unionen harrobiko taldeak Hernaniren aurka, horrela baloratu zuen Egoitz Sayarrek, talde irundarraren teknikari berriak, erdietsitako emaitza. Zubipen jokatutako neurketan, Hernanik jo zuen lehen kolpea neurketa hasi eta gutxira. 4.minutuan, Pironek egin zuen eguneko lehen gola.
Real Union B-ren berdinketa ez zen bigarren zatira arte iritsi. Aulkitik neurketa hasi zuen Herrero 68.minutuan zelairatu eta gutxira berdinketaren gola gauzatu zuen. Kosta egin zitzaien etxekoek eginiko golari erreakzionatzea, baina bigarren zatiko erdialdean taldea egonkortu eta 1-1 emaitzarekin bukatu zen denboraldiko lehen jardunaldia.
Sasoiko lehen puntua batu duelarik, Egoitz Sayarrek zuzentzen duen taldeak Oñatiko Aloña Mendi taldea jasoko du Ugalde-Ventaseko zelaian, larunbatean, 15:30ean.
Bestelako emaitzak:
Gizonezkoen Gorengo mailari dagokionez, Hondarribia Futbol Elkarteak garaipena erdietsi zuen txapelketaren itzuleran. Urte bete Ondartzako futbol zelaian futbola jokatu gabe egon ostean, talde berdea Pasaiari 1-0 gailendu zitzaion eta lehen hiru puntuak eskuratu zituen.
Bestalde, Gure Txokoak eta Dunboa-Eguzkik hanka okerrarekin hasi dute sasoia. Lehenek, Beran jokatutako neurketan 1-2 galdu zuten Axularren kontra; eta bigarrenek, jipoia jasan zuten Vasconiaren partetik, 4-0 galdu zuten.
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...