Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...
22 Aza, 2023
Beti Gazteko gizonezkoek bana berdindu zuten eta emakumeek eta Gure Txokoak porrot bana jaso zuten
Baztan-Bidasoaldeko futbol talde nagusienen artean, Nafarroako Ligan ari diren Doneztebek eta Baztanek soilik eskuratu dute garaipena asteburuan. Prefente mailako doneztebarrek 3-1 garaitu zuten Lezkairu. Aurkaria bolada txarrean ailegatu zen Iñaki Indartera, baina markagailua bere alde jartzen lehena izan zen. Hala ere, etxekoek buelta eman zioten honi eta hiru puntuak eurentzat izan ziren, Joel Gil bigarren entrenatzaileak aipatu duenez.
Lehen maila autonomikoko Baztanek ere etxean irabazi zuen, Idoya taldearen kontra. Bi porrot eta berdinketa baten ondotik, berriz ere puntuak batu zituen Iban Romoren taldeak partidu gogor batean. Bi berdinketa irauli behar izan zituzten, baina baztandarrak gai izan ziren hau egiteko eta honek indarra eman die aste berri bati ekiteko eta lanean segitzeko.
Gipuzkoako Ligan ari diren hiru taldeak aldiz, ez dute zorte bera eduki asteburuan. Beti Gazteko Erregional mailako gizonezkoek bana berdindu zuten Real Union Rocaren kontra Mastegin, Lesakan. Lehen ordu laurdenean aitzindu ziren irundarrak, baina etxekoak hurrengo jokaldian partidua berdindu eta puntuak ere banatu zituzten. Itxura ona eman zutela kontatu du Javier Escagües entrenatzaileak.
Klub eta maila bereko emakumeek berriz, 3-0 galdu zuten igande goizean, Galen, Mariño Real Union taldearen kontra. Partidua hasi aitzinetik bazekiten zaila izanen zela sailkapeneko liderra garaitzea, eta halaxe izan zen. Hala ere, Ainara Otxoteko bigarren entrenatzailea taldearen lanarekin kontent gelditu zen, ikusi baitzuelako, horrela segituz gero, gai izaten ahal direla talde onen kontra puntuak ateratzeko.
Azkenik, Erregional mailako Gure Txokoak denboraldiko lehen porrota jaso zuen Behobiaren kontra (0-2). Lehena izanik, porrot gogorra izan zen beratarrentzat, baina Ganix Zubieta entrenatzaileak argi du aitzinera segitu behar dutela, eta orain arteko lana baliatuz, berriz ere garaipenaren bidea hartuko dutela.
(Argazkia: Jon Sein Osinaga)
Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...
Real Unionek bi jokalariei eskerrak eman dizkie denboraldi hauetan erakutsi duten profesionaltasunagatik
Real Unionek jakinarazi duenez, Antonio...
Adidas markarekin jantziko dira jokalariak eta Futbol Emotion taldeak egindako diseinuarekin
Real Union Klubak 2024/25 denboraldiko jantziak...
Ekainaren 8an, larunbatean, ospatuko da eta guztira zortzi taldeek hartuko dute parte
Real Union Klubak Enpresen arteko III. Torneoa antolatu du...
Zelai erdian aritzen zen jokalaria utzita etorri zen Irunera UD Levantetik pasa den udan
Real Union Klubak jakitera eman duenez, Alex Cerda bere...
Klub txuribeltzak euren profesionaltasuna eskertu nahi izan die jokalariei eta zorte ona opa etorkizunean
Carlos Beitia eta Julio Martinez Escorcia...