Handbike modalitatean, Ion Galarragak eskuratu zuen garaipena Mikel Goikoetxearen aitzinetik

Bidasoa Atletiko Taldeak Txingudi Korrika ospatu zuen, bertze behin, pasa den larunbatean, 500 korrikalari baino gehiagoko partehartzearekin. Helmugara 460 ailegatu ziren eta horietatik Elena Silvestre eta Iraitz Arrospide nagusitu ziren. Handbike modalitatean Ion Galarraga izan zen irabazlea eta haurretan ere 300 bat korrikalarik osatu zuten ibilbidea.

Irteeran Elena Silvestre zen emakumeetan faboritoena eta helmugan ere aurreikuspen hori bete egin zen. 36:34ko denborarekin, Ane Zabalaren (39:46) eta Marina Gonzalezen (40:16) aitzinetik sailkatu zen. Gizonetan berriz, Iraitz Arrospide igan zen podiumeko lehen koskara, 31:50eko denboran ibilbidea osatu ondotik. Bere gibeletik, Martin Iriondo (32:44) eta Javi Menta (33:10) sailkatu ziren.

Handbike modalitatean, Ion Galarraga izan zen irabazlea, Mikel Goikoetxearekin aitzinetik, 23:46ko denbora eginez. Galarragak pasa den urteko denbora bost minutuan hobetu zuen.

Horrez gain, 300 haurrek hartu zuten parte goizean ospatu zen Laboral Kutxa Txingu Korrika Txiki lasterketan. Stadium Galeko inguruetan egin zen eta lasterketa honen helburu nagusia bete egin zen aurten ere: haurrek, gurasoekin edo gabe, giro eder batean kirolaz gozatzea.