Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
11 Mai, 2023
Usurbilgo jokalariak 2027ra bitarte segituko du Bidasoaren lehen taldearekin lanean
CD Bidasoak eta Eneko Furundarenak kontratu berri bat sinatu dute eta honekin, jokalari usurbildarrak lehen taldean segitzea onartu du. Luzapena 2027ra bitarte izanen da eta bi aldeak ere berritze honen garrantzia azpimarratu nahi izan dute.
Eneko Furundarenak 2020ko irailaren 8an egin zuen bere debuta Bidasoarekin, jubenil mailan zegoela. Orduan, Cangas de Morrazon aritu zen jokalari gaztea, Frigorificos Morrazo taldearen kontra, eta 22-35ko markagailuarekin irabazi zuen Bidasoak. Neurketa hartan sartu zituen usurbildarrak Plenitude ASOBAL Ligan bere lehen bi golak. Geroztik, Furundarenak Ligako 58 neurketa jokatuko ditu eta 52 gol sartu ditu guztira.
Europako Txapelketan berriz, 2021eko urrian egin zuen debuta, EHF European League-ko multzo fasean, Pfadi Winterthur taldearen kontra. Orduan ere bi gol sartu zituen jokalariak. Orduz geroztik, Europako txapelketako 25 partidu jokatu ditu gazteak eta 23 gol sartu.
Honez gain, Eneko Furundarenak Espainiako selekzioarekin ere jokatzen du. Promesas selekzioan egin zuen bere debuta eta jubenil selekzioarekin partidu bat jokatu ondotik, Junior selekziora egin zuen jauzia. Nazioarteko ibilbide honetan, iaz Portugalen lortutako urrezko domina azpimarratu behar da.
Jokalari usurbildarrak pozik azaldu da luzapen honekin. “Etxean nago eta oso gustura klubarekin”, azpimarratu du. “Orain dela urte batzuk klubak aukera eman zidan eta pixkanaka pisua hartzen joan naiz taldean eta gero eta gusturago sentitzen naiz. Oso pozik nago hemen jarraitzeagatik eta ilusioz”, gaineratu du.
Gorka Aginagalde Bidasoa Klubeko lehendakariak berrikuntza estrategiko baten gisan kalifikatu du berritze hau: “Berrikuntza estrategiko bat da hau. Orain dela lau urte batzordeak hasi zuen bideari jarraipena ematea da. Harrobiko eta lurraldeko gazteekin egindako lanari segida ematea”. Furundarenaren inguruan, “lehen taldean garrantzi handia hartzen ari den jokalaria” dela aipatu du Aginagaldek, “handitzen ari den jokalaria”. Zentzu horretan, berritze hau taldearentzat eta klubarentzat “ezin hobea” dela erran du.
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...