Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
12 Api, 2022
Espainiako eta Portugalgo selekzioek Europako Txapelketarako sailkatzeko azken neurketa jokatuko dute Artalekun
Irungo Udalak, Gipuzkoako Foru Aldundiarekin eta Espainiako Eskubaloiko Federazioarekin batera, Espainiako eta Portugalgo emakumezkoen selekzioek Artalekun neurketa bat jokatzea lortu du. Europako Txapelketako sailkapen-faseko azken partidua izanen da eta apirilaren 24ean ospatuko da, arratsaldeko 19etan.
Atzo goizean eman zuten honen berri Borja Olazabal Irungo Udaleko kirol zinegotziak, Miren Echeveste berdintasun ordezkariak, Goizane Alvarez Gipuzkoako Foru Aldundiko Kirol zuzendariak eta C.D. Bidasoako Zuzendaritza Batzordeko kide den Gorka Wambak. Ekimen hau antolatzeak bi helburu nagusi dituela aipatu zuen Olazabalek. “Batetik, kirol arloan partidu ikusgarria izango da. Europako Txapelketarako sailkapen fase barruko neurketa da eta bi selekzio handien arteko norgehiagoka ikusteko aukera egongo da. Bestetik, kirola egiten duten neskek erreferenteak hurbil edukiko dituzte. Emakumezkoei, askotan, erreferenteak falta zaizkie eta neskatoek hau ikustea garrantzitsua izango da, ez bakarrik kirolarientzat, kirola egiten ez dutenek ere ikusiko dute emakumezkoek kirolean esateko asko dutela”, jakinarazi zuen.
Echevestek ere kirol zinegotziaren hitzak azpimarratu zituen eta Irungo neska gazteek rolak eraikitzerako orduan goi-mailako kirolariak hurbil edukitzeak duen garrantzia ere goraipatu zuen: “Ekintza positiboa egin dugu. Goi-mailakoak dira eta erreferenteak bihur daitezke neskentzat. Horregatik, erreferente horiek lotu behar dira. Gure rolak ikusten ditugun erreferenteen arabera eraikitzen ditugu. Beraz, garrantzitsua da emakumeak goi-mailan ikustea eta gertukoak direla, gainera. Ezinbestekoa da gazteek kirolarekiko atxikimendu hori lortzeko”.
Apirilaren 24ko neurketa ez da ekitaldi bakarra izango. Atzo egin zuten prentsaurrekoan azaldu zuten moduan, Street handball saio baten bidez, eskualdeko eskubaloiko jokalariekin teknifikazio-jardunaldi bat egitea ere begiz jota dute. San Juan Plazan ospatuko da ekimena eta 8-14 urte bitarteko neskek beraien erreferenteekin jokatzeko aukera izango dute bertan. Gainera, bertaratzen diren beste gazteentzat ere eskubaloian jokatzeko aukera egongo da. Plaza bi zatian banatuko da eta bi orduz ibiliko dira partehartzaileak kirolaz gozatzen. Ondoren, eskubaloiko jokalariekin solasaldia egingo da arkupeetan.
Espainiako eta Portugalgo selekzioen arteko partidurako sarrerak ere erosteko aukera bada dagoeneko, Erregina Koparen webgunearen bidez. Txartel orokorrak 15 euroko kostua du, eta 14 urtetik beherakoentzan berriz, 8 eurokoa. Erregina Kopako sarrerak erosten dituztenek, beherapen bat izango dute Irungo neurketa ikusteko; helduek 8 euro ordainduko dute eta 14 urtetik beherakoek aldiz, 5 euro.
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...