ZAMORA: Calle, Ceballos (2), ábalos (1), Fernando, Silva (2), Cangiani (4), Prieto (1). Peli (1), Octavio (9), Jortos (5), Maide, Luis Posado, Iñaki (2), Mouriño (3), Velázquez (1).

BIDASOA: Ledo, Vázquez, Nonó (2), Odriozola (5), Salinas, Popovic (3), Lancina (3).Cavero (2), Crowley (2), Beltza, Zubiria, Serrano (5), Muiña, Ranud (5), Redondo.

MARKAGAILUA: 1-2, 5-4, 7-5, 8-8, 12-9, 14-11 (atsedenaldia), 16-12, 20-15, 23-17, 27-19, 29-23, 31-27.

Sailkapeneko azkena zenaren etxean galdu zuen Bidasoak, larunbatean Zamoran. Ondorioz, sailkapeneko egoera konplikatu zaio Jacobo Cuétararen taldeari. Azken bi sailkatuek baino puntu bakar bat duelako, sei besterik ez. Okerrena, alabaina, Zamoran emandako itxura izan zen. Bidasoak ez baitzuen talde gisa funtzionatu. Trinkotasuna eta barne kohesioa falta izan zitzaizkion.

Zamorak sasoiko partida onenetakoa osatu zuen, eta Calle atezainak ekarpen handia egin zuen. Baina irundarren jaurtiketak zer nolakoak izan ziren ere aztertu behar litzateke. Lehen ordu laurdenera arte eutsi zion Bidasoak Zamoraren erritmoari, 8-8koarekin. Atsedenaldirako, ordea, hiru goleko errenta zuen Zamorak (14-11), eta hortik aurrera, nagusi izan zen. Haren mende ibili zen Bidasoa, markagailuko aldea murriztu ezinik. Amaieran emaitza apaindu besterik ez zuen egin, hamar minutu falta zirela, zortzi goleko aldea baitzuen Zamorak. Larunbatean, Guadalajara hirugarren sailkatua hartuko du Bidasoak Artalekun (19:00).