“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
25 Abu, 2023
Talde txuribeltzak igande honetan (abuztuak 27) emanen dio hasiera 2023/24 denboraldiari, Sabadell-en kontra jokatuko duen partiduarekin
Real Unionek igande honetan, abuztuaren 27an, emanen dio hasiera 2023/24 denboraldiari. Ligako lehen jardunaldia jokatuko du etxean, Stadium Galen, Sabadell-en kontra, 20:30ean. Bertan, talde berriak bere egokitzapena probatzeko aukera izanen du zaleen aitzinean.
Fran Justok bere atariko lehen prentsaurrekoa eskaini du gaur goizean Galen. Entrenatzaile berriak adierazi duenez, “baldintza onetan” ailegatu da Real Union lehen jardunaldi honetara eta “sentsazio on guzti horiek erakustea” izanen du helburu igandeko partiduan.
Lehen jardunaldi honetan pentsatzeko “inoiz baino denbora gehiago” izan dutela ere gaineratu du Justok, baina euren lan egiteko moduan zentratu dira batez ere. Argi du “eraikitze prozesuan dagoen taldea” dela berea, gehiengoak berriak baitira aurten, baina “sei aste eta erdi” daramatzate lanean eta orain lehiatzen hasi behar dute derrigorrez.
Igandeko partiduan “lehiakortasuna” erakustea gustatuko litzaioke prestatzaileari, baita etorriko diren hurrengo jardunaldietan ere. Helburu hori lortzeko, “lantalde konprometituta” duela azpimarratu du, “talde sentimendua duena eta lan egiteko gogoa”. Gaineratu duenez, ez dute aurredenboraldiko nekerik sentitzen, nahiz eta zenbait ezbehar ere izan dituzten dagoeneko lesioei begira: “Nekerik ez dugu, baina bai ezustekoak. Hala ere, gaudenokin ahalik eta hamaikako lehiakorrena aterako dugu eta bigarren zatian aukera izanen dugu seguru partidua egokitu eta aldatzeko. Prest gaude jokoa zailtzeko eta gure lehen garaipena lortzeko”.
Aitzakirik jarri gabe aurre eginen diote lehen jardunaldi honi. Sabadell jasoko dute etxean, aurkari gogor bat: “Inertzia on bat duen taldea da Sabadell. Taldea osatua dago eta aurten jokalari garrantzitsuekin indartu da gainera. Erresistentzia handia dute eta ongi antolatuta daude. Gu oso kontzentratuta egon behar gara, baita indartsu ere, asko exijituko baitigute. Hala ere, guk ere gure emanen dugu eta ahalik eta mailarik altuena ematea bilatu behar dugu”.
Horrela, indartsu eta gogoz ekinen diote igandeko lehen jardunaldiari. Etxean aritzea ere berezia izanen da, zaleen babesa beharrezkoa izanen baitutelako bertze denboraldi batez ere. Taldea osatzeko bidean ere, garrantzitsuak izanen dira Galen, Sabadellen kontra (20:30), lortu ahal dituzten lehen hiru puntuak.
“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute
Real Unionek Irun Hiria Beteranoen...
2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere
Real Unionek...
Izen emateak irekiak daude ekainaren 26ra bitarte
Real Unionek aurten ere Udako Campusa antolatu du hiriko eta eskualdeko haur...
Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...