GABONETAKO KROSA OSPATUKO DA ASTEBURUAN IRUNEN

Bertze urte batez Bidasoa Atletiko Taldeak Gabonetako Krosa antolatu du abenduaren 17rako eta dagoeneko 450 lasterkari daude izena emanda

Bidasoa Atletiko Taldeak bertze urte batez Gabonetako Krosa antolatu du datorren larunbaterako, abenduaren 17rako. Lasterketa ezagun honek hasiera emanen die Eguberri bestei Irunen eta antolatzaileek espero dute, aitzaki honekin, giro ederra bizitzea hiriko erdiguneko kaleetan.

Pasa den ortziralean egin zuten proba honen aurkezpena Adur Amilibiak, BATeko komunikazio arduradunak, eta Borja Olazabalek, Irungo kirol zinegotziak. Biak ere pozik azaldu ziren Gabonetako Krosa berriz ere bueltan delako eta ekitaldi garrantzitsu bat bilakatu delako Irunen Eguberri besten atarian.

Lasterketa urteroko bera izanen da. Helduek 5 kilometroko ibilbidea osatu beharko dute Irungo karriketan barrena. Dagoeneko izen-ematea irekia dago eta 13 euroan eskura daiteke dortsala. 450 partehartzaile daude izena emanda eta antolatzaileek aurreratu dutenez, “550 bat korrikalari inguruk parte hartzea” espero dute. Dortsalak kirolprobak.com edo atletismobat.com atarietan eros daitezke.

Haurrek ere Gabonetako Krosan parte hartzeko aukera izanen dute, arratsaldeko 15:30ean hasita. Hauen proba doainik izanen da eta ez lehiakorra, baina dortsal guztiak banatu dituztela ere jakinarazi du Amilibiak. Aurreko urteko partehartze handia ikusita, aurten muga jarri dute dortsalen banaketan eta 600 partehartzaile edukita, ez dute lasterkari gehiago hartuko.

Horrela, larunbatean, kirolaren inguruan besta handia ospatuko da Irungo erdigunean. Gabonetako atarian, lagun eta familia artean ongi pasatzeko aukera egonen da, baita kirolaz gozatzeko aukera ere. 

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

ALEJANDRO ESTEBAN ETA UNAX ERASO LAUGARREN ETA HAMARGARREN ESPAINIAKO JAURTIKETA LUZEKO TXAPELKETAN

Estebanek xabalina-jaurtiketan lortu zuen laugarren postua eta Erasok hamargarren mailu-jaurtiketan

Espainiako Neguko Jaurtiketa Luzeko Txapelketa...

AIMAR OTXOTEKOK IRABAZI DU LESAKAKO V MENDI LASTERKETA

Lesakarrak 2019ko lehen edizioko errekorra hautsi zuen, ordubete eta hamar minutuan osatuz 14 kilometroko ibilbidea

Aimar Otxoteko Larrarte...

CARLA MARTINEZEK ETA LAIA OLASCOAGAK URREZKO ETA BRONTZEZKO DOMINAK ESKURATU DITUZTE ESPAINIAKO 20 URTEZ AZPIKO TXAPELKETAN

Horiez gain, BATeko bertze zazpi atletek hartu dute parte Espainiako Txapelketan

Bidasoa Atletiko Taldeak parte hartze handia izan du...

BIDASOA ATLETIKO TALDEKO MASTERRAK URREZKO LAU DOMINA ESKURATU DITUZTE ESPAINIAKO TXAPELKETAN

Hauez gain, 16 urtez azpiko hiru atleta aritu dira txapelketa berean lehian estreinakoz

Donostian ospatu zen Espainiako Pista Estaliko Master...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika