21 Ots, 2016
REAL UNION: Txusta, Urkizu (Azkoiti, 34'), Aimar, Esnaola, Morcillo, Rodellar, Iriondo, Mujika, Ozkoidi (Eneko Romo, 37'), Eizmendi (Barrón, 52'), Galán.
MENSAJERO: Ione, Hernández, Jaime, Marco, Moreno, Prieto, Vianney (Rayco, 66'), Omar (López, 74'), Rodríguez, Sánchez (Yeray, 88'), Iray.
GOLAK: 1-0: Eizmendi (22'). 1-1: Sánchez (32'). 1-2: Sánchez (60'). 1-3: López (80'). 2-3: Galán (83').
EPAILEA: David Recio Moreno. Txartel horiak: Aimar, Esnaola (Real Union); Jaime (x2), Prieto (x2), Iray, López. Aitor Zulaika Real Unioneko entrenatzailea eta Mensajeroko Vianney kanporatu du.
Denboraldi osoan lehen aldiz galdu du Real Unionek etxean. Jaitsiera postuetan dagoen Mensajerok ostu dizkio hiru puntuak Stadium Galen. Alde batera gelditu da sailkapeneko diferentzia, neurri handi batean, txuribeltzek ez dutelako norgehiagoka ona egin. Abantaila hartu dute, hala ere, 22.minutuan. Eneko Eizmendik sartu du 1-0ekoa, Mujikaren erdiratzea buruz bultzatuta. Golak, ordea, ez du Unionen nagusitasuna indartu. Eta ordu erdia bete ondoren, ezbeharrak pilatu zaizkio etxeko taldeari. Sanchezek banakoa sartu du lehenengo, defentsako hutsak baliatuta baloia lapurtu eta gero. Bost minutu beranduago, bi aldaketa egin behar izan ditu Aitor Zulaika entrenatzaileak, Urkizuren eta Ozkoidiren lesioak zirela eta.
Bigarren zatian, Mensajeroren defentsa antolatuak buruhauste handiak eman dizkio Unoni. Txuribeltzek ez dute modu eraginkorrean erasotzeko erarik aurkitu. Gainera, 60.minutuan bigarren gola sartu du Sanchezek, Txustari hanken artetik pasa zaion jaurtiketa batekin. Kontraerasoan, lehia erabakitzeko bi abagune argi izan dituzte Rodríguezek eta Lópezek. Bigarrenak sartu du azkenean hirugarren gola, 80.minutuan. Dena den, itxaropena berreskuratzeko aukera izan dute txuribeltzek, Jaimek Galani egindako penaltiaren ondorioz. Lateralak bigarren txartel horia ikusi du, eta hamar jokalarirekin utzi du Mensajero. Galanek sarera bidali du baloia penalti jaurtiketan. Horrela, puntu bat eskuratzeko aukera hurbildu dio Unioni. Azken bi falta jaurtiketetan Txusta ere igo da errematatzen saiatzera. Baina Kanarietako taldeak garaipenari eutsi dio.
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...