“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
03 Mai, 2021
Londreseko euripean, futbolaren antzezlekua den Wembley zelaian ordu laurden minutu jokatzeko ohorea izan du Odei Martin irundarrak.
Odei Martinek sekula ahaztuko ez duen eguna izango da gaurkoa. Champions League eta Mundialetako finalak jaso dituen zelai batean ordu laurden jokatzeko ohorea izan du. Garraikurrik gabe, baina Odei Martinek munduko gazte askoren ametsa gauzatu du: Futbolaren historiako zelai mitiko batean, Wembleyen, jokatzea.
Harrogate Town nagusitu da lehen zati osoan zehar. Nabaritu da League Two mailan aritzen dela eta Concord Rangers baino bi maila lehiakorragoa dela. Dena den, aurreko urtean FA Trophy garaikurra lortu zuen taldeak ezin izan du atsedenaldiaren aurretik golik egin. Aukera andana izan ditu Harrogate Townek, baina 0-0 bukatu dira lehen 45 minutuak. Concord Rangersek eutsi egin dio markagailuari eta Wembleyen goia jotzeko esperantzekin jarraitu dute.
54.minutuan abagune paregabea izan du Concord Rangersek markagailuan aurretik jartzeko. Alboko sakea kornerra balitz bezala atera dute, ate aurrean Cawley atzelariari erori zaio, baina bere jaurtiketa langaz gaindi joan da. Canvey Islandeko taldeak baloiaren jabetza areagotu du eta arrisku gutxiago eragin dio Harrogate Townek. Concord Rangersen unerik gozoenean, Harrogate Townek bi abagune garbi izan ditu, baina bietan Haigh atezainak baloiak desbideratu ditu.
68.minutuan beroketa lanetan hasi da Odei Martin eta 83. minutuan Wembleyko berdegunean zelairatu da. Aurretik, 75.minutuan, Harrogate Townek 0-1ekoa egin du. Harrogate Townen atzelari baten jaurtiketak zutoinen jo ostean, Falkinghamek area barruan hartu du eta atezaina lurrean zelarik, baloia inolako eragozpenik gabe sarera bidali du. Eskuin hegalean aritu da Odei Martin eta Ingalaterrako futboleko zelai ikusgarrienean ordu laurden jokatzeko plazera izan du. Zailtasunak izan ditu jokoan sartzeko, baina inork ezin izango dio kendu horrelako plaza batean aritzearen ohorea.
83.minutuan zelairatu da @OdeiM8 irundarra Wembleyko bedegunean!
— Kiroletik (@Kiroletik) May 3, 2021
Momentuz, 0-1 Harrogate Townen alde.
Animo, gazte! ???????? #YAMC pic.twitter.com/m68fCPrtam
“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute
Real Unionek Irun Hiria Beteranoen...
2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere
Real Unionek...
Izen emateak irekiak daude ekainaren 26ra bitarte
Real Unionek aurten ere Udako Campusa antolatu du hiriko eta eskualdeko haur...
Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...