Jokalari georgiarra bere herrialdeko 21 urtez azpiko selekzioarekin arituko da irailaren 24 eta 27an

Georgiako 21 urtez azpiko selekzioak Giorgi Gagua Real Uniongo aurrelaria deitu du, datozen egunotan bere herrialdeko taldearekin bi lagunarteko jokatzeko. Hain zuzen ere, irailaren 24an Portugalen arituko da, bertako selekzioaren aurka, Covilhãko José Dos Santos Pinto futbol zelaian, 18:00etan. Irailaren 27an berriz, Turkiara joanen da Gagua Instanbuleko Recep Tayyip Erdogan futbol zelaian jokatzera, arratsaldeko 19:00etan.

Gagua dagoeneko Georgiako selekzioarekin dago bilduta Portugalen eta irailaren 28an bueltatuko da Irunera. Hau dela eta, talde txuribeltzeko aurrelariak galdu egingo ditu igandeko Alcoyanoren kontrako neurketa eta hurrengo asteazkeneko Naxararen aurkako Federazio Kopako partidua.