Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu
Maiatzeko udal osoko bilkuran...
17 Ira, 2016
REAL UNION: Tena, Azkoiti, Ekhi, Esnaola, Rodellar, Martins, Eizmendi, Juan (Alonso, 42'), Arriaga (Mujika, 62') Galán (Gorosabel, 83').
AMOREBIETA: Villanueva, Goiria, Rubén, Olaortua, Mendez, Moreno, Hernández, Baqué (Rodríguez, 79'), Obieta (Ibrahima, 74') Goñi (Orbegozo, 63'), Seguin.
GOLA: 1-0: Galán (28').
EPAILEA: Galech Apezteguia. Txartel horiak: Martins (Real Union); Mendez, Moreno, Seguin (Amorebieta).
Itxura sendoa ematen ari da Real Union lehen jardunaldietan. Gol gutxi sartzen ditu, baina are gutxiago jaso. Amorebietaren aurkakoan, Galanen gol bakarrarekin aski izan du hiru puntuak biltzeko. 28.minutuan sartu du aurrelari nafarrak, beste pare bat gol aukera eduki eta gero. Ondoren ere, Galanek berak izan ditu abagunerik onenak. Tenaren ateko sake luze baten ondoren, lehenengo, eta Esnaolaren erdiratze bati esker, ondoren. Bietan, azken errematean egin du huts. 41.minutuan Juan Domínguezek zelaia utzi behar izan du, min hartuta. Alonsok ordezkatu du.
Atsedenaldian eta segidan Galek jaso dituen euri zaparradek zelaia lokaztu eta moteldu dute. Hala ere, bizi hasi da bigarren zatia. Kolpeak elkar trukatu dituzte Unionek eta Amorebietak, bigarren zatiaren erdira arte. Gero, txuribeltzek atzera egin dute pixkanaka, gehiegi arriskatu nahi izan gabe. Amorebietak berriz, arriskua sortu du, eta aukera onak izan dituzte Orbegozok buruz, eta Rubenek, jaurtiketa gogor batekin. Unioni bi gol baliogabetu dizkio epaileak, baina beste abagune argirik ez du izan. Azken minutuetan sufritzea egokitu zaio. Hala ere, hiru puntuak Stadium Galen gelditu dira, eta sailkapenaren goiko aldera gerturatu da Asier Santanaren taldea.
Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu
Maiatzeko udal osoko bilkuran...
4 eta 14 urte bitarteko haurrek hartzen ahalko dute parte ekainaren 24tik 27ra eginen den topaketan
Osasunak udako futbol campusa antolatu du Donezteben,...
Real Unionek denboraldiko azken aurreko partidua jokatuko du bihar, azkena etxean, Fuenlabradaren kontra
Real Unionek denboraldiko azken aurreko partidua...
Talde txuribeltzak bere alde zuen markagailua, baina Beasain Bk neurketa berdintzea lortu zuen azken minutuetan
Real Unión Roca:...