Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
06 Uzt, 2021
Borja Burgetek, C.D. Bidasoako harrobiko zuzendari teknikoak, sasoi zail honen balantzea egin du.
Lehen taldeak eginiko denboraldia historikoa izan bada, harrobiarena ez da gutxiagorako izan. C.D. Bidasoaren harrobiko taldeek hainbat igoera eta txapelketetan parte hartze nabarmenak izan dituzte; horregatik, Borja Burgetek aurtengo denboraldiari “urte historikoa” deritzo.
Lorpenak testuinguru zail batean kokatu behar ditugu. Covidaren ondorioz, lehiaketak urtarrila-otsaila arte atzeratu ziren eta horri pisten orduetegiekin izan dituzten arazoak gehitu behar zaizkie. Halere, arrakasta guztien artean, “duela bost urte Ilcapo Hondarribiak galdu zuen 1.Nazional mailako plaza berreskuratzea eta Zaisa Bidasoa Irunek Espainiako kadeteen txapelketa nagusian lortutako laugarren postua” nabarmendu nahi izan ditu Burguetek.
Hori gutxi ez eta beste hainbat lorpen aintzat hartu nahi izan ditu teknikari irundarrak; hala nola, Hondarribiko Lurralde mailako bigarren taldeak igoera eskuratu du, BM Bidasoa Irun jubenil taldea Pontevedrako Espainiako Sektore Txapelketan lehiatu da eta lehen aipatutako kadete taldeak Bidasoak inoiz lortutako marka erdietsi du. Burgetek bertatik bertara jarraitu zuen Porriñoko txapelketa hura eta bere hitzetan, “izugarria” izan zen taldeak erakutsitako maila.
Infantilak goraipatu.
Badira aurten lehiatu ezin izan duten maila bat, infantilak, mutilezkoena zein emakumezkoena. Entrenatu bai, baina lehiatu ez. Infantil mailako taldeek denboraldia aurrera ateratzeko unean “sekulako meritua izan dutela” eta murrizketak murrizketa, “lanean eman eta eman” jarraitu dutela goraipatu nahi izan du Burgetek. “Aipatu ez den kontua izan da, baina balio handia du gure neska-mutilek egin dutena”, gehitu du harrobiko zuzendari teknikoak.
Emakumezkoen taldeak ere bikain.
Emakumezkoen taldeetan ere badu harrobia C.D. Bidasoak. Infantilek ezin izan dute lehiatu eskola-kirola adinetan zeudelako, baina ez dute entrenamendu bakar batera hutsi egin. Kadeteek Euskadiko Txapelketako azken faseraino sailkatzeko lehian amaierara arte ibili dira, eta jubenilek Gipuzkoa Kopa irabazi dute. Burgetek hiru talde horien lana nabarmendu nahi izan du, “denboraldi bikaina egin dute eta oso pozik gaude kluba lortzen ari den aniztasunarekin”.
Aitortza, entrenatzaileei eta gurasoei.
Taldeak eta jokalariek aurrera atera zezaten, entrenatzaileen zein gurasoen jarrera “ezinbestekoak” izan direla adierazi du Burgetek. “Entrenatzaileek jokalarien grina piztuta mantendu dute eta gurasoek edozein murrizketaren aurren, babesa eta laguntza eskaini digute; guztiek beren aitortza merezi dute”.
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
Euskal Kopa bereganatu ondotik, Bidasoa Irunek Frigorificos del Morrazo jasoko du bihar (apirilaren 26an) Artalekun
Bidasoa Irunek Euskal Kopa...
Jacobo Cuetararen mutilek ezin izan zuten Ademar Leon garaitu eta 33-32ko markagailuarekin galdu zuten bertan
Bidasoa Irunek 33-32ko...
Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...