HONDARRIBIA ARRAUN ELKARTEA, BARRUAN
Arrauna

HONDARRIBIA ARRAUN ELKARTEA, BARRUAN

Emakumezkoen zein gizonezkoen ‘Ama Guadalupekoa’ traineruak datozen bi igandeetan Kontxako Bandera preziatuagatik lehiatuko dira.

Kale edo bale, hala laburbildu daiteke zer den asteazken eta osteguneko Kontxako Estropadaren sailkatze probak. Aurten, emakumezkoen eta gizonezkoen sailkapenak oso estuak izan dira, arraunaren mailak gora egin duen seinale. Datorren bi igandeetako emaitzen arabera jakingo dugu nortzuk irabaziko duten Donostiako Bandera preziatua, baina, momentuz, dakiguna da Hondarribia Arraun Elkarteko bi traineruak bi igande horietan lehiatuko direla. 

Atzo emakumeen lehiaren txanda izan zen eta Hondarribia Arraun Elkarteak, ezusterik gabe, hirugarren denbora onena egin zuelarik (11:08,62), datozen bi igandeetako plaza lortu zuen. Donostia Arraun Lagunak (10:54,00) denbora birrindu zuen helmugan eta hauen atzetik, Orio sailkatu zen bigarren (11:02,46). Euskotren Ligan aritu diren traineruen atzetik, ETE Ligako Tolosaldea, Deusto eta Hibaika sailkatu ziren eta zazpigarren eta azken plaza, Galiziako Ligako bigarren talde onenak, Chapelak, eskuratu zuen. Trainerurik kaltetuena San Juan izan zen, segundu bakar batengatik ez zuen Chapela gainditu eta Kontxako Estropadetan parte hartzeko sailkatu. Usadioa jarraituz, Donostiarra, Euskotren Ligan aritu den laugarren taldea, sailkapen proba jokatu gabe lehiatuko da datozen bi igandeetan. Arraun Lagunak ere Donostiako trainerua da, baina hauek bai sailkapena jokatu behar dutela. Usadioak. 

Gizonezkoen jardunean ere ezusteko gutxi. Eusko Label Ligako Ohorezko txandan aritzen diren lau taldeak eta Orio sailkapen probako lehen postuetan sailkatu dira. Hondarribia Arraun Elkarteak eguneko bigarren denbora egin du (20:29,54), soilik Santurtzik gainditu du ‘Ama Guadalupekoa’ (20:23,68). Zierbena izan da hirugarren eta Cabo bigarren luze ikaragarri baten ostean, laugarren bukatu du erlojupekoa. Ziabogak emateko zailtasunak egon diren egunean, Oriok bosgarren egin du eta Bermeoko Urdaibai sailkatu da seigarren postuan. Historian lehen aldiz, Galiziako Ares trainerua Kontxako Estropadan sailkatu da. Ondarroaren aurretik, zazpigarren denborarik onena egin du eta datozen bi igandeetan arraunaren 'Champions League'-aren lehian izango da. Ondarroari, berriro ere, gurutzea egokitu zaio. Talde bizkaitarra poparean arazoak izan ditu eta garesti ordaindu du. 

SANTIAGOTARRAKEKO ARRAUNLARIEK SEI GARAIPEN ESKURATU ZITUZTEN AULKI MUGIKORREKO GIPUZKOAKO LIGAKO LEHEN ESTROPADAN
Arrauna

SANTIAGOTARRAKEKO ARRAUNLARIEK SEI GARAIPEN ESKURATU ZITUZTEN AULKI MUGIKORREKO GIPUZKOAKO LIGAKO LEHEN ESTROPADAN

Klub bereko piraguistek ere arrakastaz bukatu zituzten asteburuan jokatutako Bizkaiako eta Gipuzkoako txapelketak

Gipuzkoako aulki mugikorreko Liga...

MIKEL LAGUARDIA ETA INHAR ROMANO ESPAINIAKO KADETE MAILAKO TXAPELDUNORDEAK
Arrauna

MIKEL LAGUARDIA ETA INHAR ROMANO ESPAINIAKO KADETE MAILAKO TXAPELDUNORDEAK

Ourensen ospatu zen aulki mugikorreko distantzia luzeko Espainiako Txapelketa

Santiagotarrak taldeko arraunlariek aulki mugikorreko distantzia...

SEI GARAIPEN LORTU ZITUEN SANTIAGOTARRAK TALDEAK EUSKADIKO AULKI MUGIKORREKO TXAPELKETAN
Arrauna

SEI GARAIPEN LORTU ZITUEN SANTIAGOTARRAK TALDEAK EUSKADIKO AULKI MUGIKORREKO TXAPELKETAN

Hondarribia Arraun Elkarteak antolatu zuen aulki mugikorreko Euskadiko Txapelketako azken jardunaldia

Euskadiko aulki mugikorreko...

HONDARRIBIA GARAILE GIPUZKOAKO TXAPELKETAREN HIRUGARREN JARDUNALDIAN
Arrauna

HONDARRIBIA GARAILE GIPUZKOAKO TXAPELKETAREN HIRUGARREN JARDUNALDIAN

Orioren aitzinetik helmugaratu zen Hondarribiako klubeko zortzikotea

Aulki mugikorreko Gipuzkoako distantzia luzeko txapelketaren hirugarren...

AULKI MUGIKORREKO BIGARREN JARDUNALDIA JOKATUKO DA IGANDEAN BIDASOAN
Arrauna

AULKI MUGIKORREKO BIGARREN JARDUNALDIA JOKATUKO DA IGANDEAN BIDASOAN

Bidasoa ibaia protagonista izan zen pasa den asteburuan ere, Ur Bizietako Euskadiko Kopa jokatu baitzen bertan

Aulki mugikorreko arraunlariek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika