Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
28 Mar, 2021
Real Unionek ez du Athletic B garaitzea lortu eta ez da Federazioko lehen mailan arituko. Bigarren zatian lehoi kumeak hobeak izan dira eta gola egitea erdietsi dute.
Aitor Zulaikak zein Joseba Etxeberriak ez dute armarik ezkutatu. Lehenak, Gexan Elosegi eta Mario Capelete sartu dira hasierako hamaikakoan; bigarrenak, Nico Williams, Nico Serrano eta Juan Artola jarri ditu erasoko lanetan. Guztiarekin irten dira Stadium Galeko zelaira bi taldeak, baina hasierako minutuetan Real Union izan da gehien estutu duen taldea. Lehen sei minutuetan lau korner eragin ditu talde irundarrak, arrisku handirik gabe igaro dira guztiak.
Hamabosgarren minutuaren iritsi da partiduko lehen abagunea. Ezker hegaletik Jon Madrazok jokaldi bikaina gauzatu du, hiru defentsa gainditu ditu eta bere errematea gutxigatik kanpora joan da. Jarraian, lehen zatiko aukerarik argiena iritsi da, Gexan Elosegiren oinetatik. Hernaniarrak eskuin hegaletik baloia erdiratu du, gaiztotu ere bai eta Agirrezabalak eta langak gola ekidin dute. Kijerak ere kanpotik saiakera egin du, baina Athleticeko atezain oreretarrak erantzun bikaina eman du, beste behin. 0-0 bukatu da lehen zatia, Athletic B-k ez du arrisku sentsazioa eragin Real Union sendo baten aurrean.
Atsedenalditik bueltan, lehen zatian min hartu duen Beñat Prados erdilariak aldaketa eskatu behar izan du eta bere ordez, Victor San Bartolome zelairatu du Etxeberriak. Athletic B-k aurrerapausua eman du bigarren zatian eta izan duen lehen abagunean, 54.minutuan, markagailuan aurreratu da. Eskuin hegaletik egin du erdiraketa Nico Williamsek eta bigarren zutoinean Andoni Tasconek buruz baloia sarera bidali du. Kolpea jaso du talde irundarrak eta kosta zaio berreskuratzea. 68.minutuan Aitor Zulaika Zourdine Thior eta Sergio Llamas zelairatu ditu eta Real Unionen bigarren zatiko erritmoa zeharo aldatu da. Hamar minutu geroago, aldaketak agortu ditu apeitiko teknikariak. Aulkian zuen guztia atera du: Donoso, Temenuzkhov eta Viguera. Hamar minutu horietan, Athleticek bigarren gola egiteko aukera izan du, baina Jon Cabo ez da iritsi Nico Williamsek erdiratutako baloira.
mar minutu geratzen ziren eta talde txuri-beltzak aurrera egin du. Kun Temenuzkhovek izan du 1-1 berdinketa egiteko aukera, baina Athletic B-ren defentsak kornerrera bidali du saiakera. Thiorrek buruz ere saiakera egin du, baina baloiak ez du sartu nahi izan. Racingen neurketan bezala, ate aurrean kamuts ibili da Real Union. Epaileak neurketaren amaiera adierazi du eta igoera faseko azken txartela Athletic B-rentzat izan da.
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...