Arozenak 7,81 metroko jauzia egin zuen Errioxako Gobernuko Nazioarteko Sari Nagusian

Bidasoa Atletiko Taldeko Iker Arozenak, pasa den larunbatean, Euskadiko marka lortu zuen Errioxako Gobernuko Nazioarteko Sari Nagusian. Bertan, 7,81 metroko jauzia egin ondoren, orain dela hilabete bat Arozenak berak eskuratutako errekorra hautsi zuen.

Larunbatean, Iker Arozenak Errioxako Nazioarteko Sari Nagusian parte hartu zuen Logroñon. Minez egon ondoren, berriz ere lehiaketara bueltatu zen bere sentsazioak neurtzeko helburuarekin. Maila handiko jauziak egin ondoren (7,70 metroko bi saiakera on), azkenekoan 7,81 metrokoa eskuratu zuen Arozenak, +1,7ko haizearekin. Azken saiakera honek gainera, Euskadiko errekorraren lorpena eman zion atletari. Orain dela hilabete bat, hain zuzen ere, berak eskuratu zuen marka hori eta orain bere errekorra hautsi du berriz ere.

Hemen duzue Iker Arozenak egindako azken jauzi honen bideoa: