Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
26 Mai, 2023
Real Unionek denboraldia agurtuko du bihar etxean La Nuciaren kontrako finalarekin
Real Unionek denboraldiko azken jardunaldia jokatuko du bihar, maiatzaren 27an, 19:30etik aitzinera. Stadium Galen arituko da eta La Nucia taldea jasoko du bertan. Maila mantentzeko aukerarekin iritsi da talde txuribeltza azken partidura eta hori baliatuz, irabaztera aterako da bere zaleen aitzinean, hori baitu aukera bakarra.
Iñaki Goikoetxearen hitzetan, “luzea egin da” denboraldia. Lesioak, entrenatzaile aldaketak, eta bertzelako arazoek gogortu egin die urtea Real Uniongo jokalari eta teknikariei. Hala ere, bukaera ailegatu da eta oraindik ere maila mantentzeko aukerarekin dago taldea. Entrenatzaileak berak “gauden egoeran egonda ez da erraza izan”, erran du, “asteak pasatu eta egoera berean egotea, zaila da batez ere buruarentzat”. Hala ere, positiboki baloratzen dute biharko neurketarako zaleengandik jasotzen ari diren babesa: “Entzuten ari garena behintza oso positiboa da. Gal beteko dutela, animatuko gaituztela… bultzatuko gaituzte seguru. Orain gu zelai barruan energia hori hartu eta zaleei bueltatu behar diegu”.
Azken jardunaldira aukerarekin iristen ahal zirela bazekiten Real Uniongo jokalariek eta horrela izan da. “Lasaitasunarekin eta konfiantzarekin” daude, Goikoetxeak aipatu duenez. Izan ere, azken emaitzek sinestera bulkatzen ditu txuribeltzak. Honez gain, “entrenamendu normalak” egiten ari direla erran du entrenatzaileak eta “lasai” daudela. “Gaurtik biharrera urduritasuna” nabarmenagoa izanen dela ere argi du, baina momentuz de ongi doala onartu du.
Edonola ere, kontziente dira biharko neurketak soilik aukera bat duela: “Biharko partidua irabazi behar da bai edo bai”. Disfrutatzen ere saiatuko dira, nahiz eta “barruan ezin den”, Goikoetxearen hitzetan. Egun polita izanen dela ere badaki, etxean eta zaleekin, eta “ongi bukatzea” espero dute.
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...