Txingudi Rugby Klubeko senior mailako gizonezkoek Plaiaundin jasoko dute Gaztedi B Ligako azken jardunaldia jokatzeko
Denboraldiko helburu nagusia...
05 Api, 2023
Goizez errugbi eskolen arteko txapelketa ospatuko da Plaiaundin eta arratsaldez, hainbat jarduera ospatuko dituzte Irungo erdigunean
Irungo errugbizaleek euren eguna ospatuko dute datorren apirilaren 15ean. Irun Rugby Eguna eginen dute larunbat horretan eta Txingudi Rugby Klubak egun osoko egitaraua prestatu du horretarako.
Goizean goizetik hasiko da Irun Rugby Egunaren egitaraua, Plaiaundin jokatuko den rugby eskolen arteko txapelketarekin. Txingudi Badia nazioarteko errugbi topaketa izanen da txapelketaren izena eta bertan, 10 eta 12 urte bitarteko zortzi taldek parte hartuko dute. Etxeko taldearekin batera, Baztan Menditarrak (Nafarroa), Soragazteak (Gipuzkoa), Sarako Izarra (Lapurdi), Emak Hor Arrangoitze-Basusarri (Lapurdi), RC Rioja (Errioxa), RGC Covadonga (Asturias) eta Rugby Union Norte (Kantabria) taldeak izanen dira. Denak denen kontra arituko dira eta zazpi minutuko partidak jokatuko dituzte. Guztira, 400 bat persona bilduko direla jakinarazi dute. Neurketen ondotik, sari banaketa eginen dute eta hirugarren denbora eskainiko die mugako taldeak. Bitartean, bertze partida batez gozatzeko aukera izanen dute. Izan ere, Txingudiko 16 urtez azpiko taldeak Uribealdea jasoko du, 14:30etik aitzinera.
Iñigo Aizpuruak, Txingudiko eskolako zuzendariak, “pozik gaude horrelako ekimena bultzatzeaz, gure eskoletako jokalari eta trebatzaileentzako egundoko esperientzia izango dela ziur gaude”, erran du. Gaineratu duenez, “jatorri hain ezberdinetako klubak bilatu ditugu bai jokalariek zein guraso edo eskolako partaideek beste errealitateak eta lan egiteko moduak ikus ditzagun. Txikiek ondo pasatzeaz harago, topaketa honek ekarpenak egingo dizkigula uste dugu”.
Arratsaldean berriz, ospakizunek segida izanen dute Irungo erdigunean. 17:00etan kalejiran aterako dira Plaiaunditik eta Irungo San Juan plazara joanen dira. Bertan, rugby zelai txiki bat jarriko dute eta horren inguruan, musika, zozketak, jokoak eta bertze zenbait sorpresaz gozatzeko aukera izanen dute bertaratzen direnek.
Xabi Sanchez Txingudi Rugby Klubeko kideak kontatu dizkigu xehetasun guztiak.
Txingudi Rugby Klubeko senior mailako gizonezkoek Plaiaundin jasoko dute Gaztedi B Ligako azken jardunaldia jokatzeko
Denboraldiko helburu nagusia...
Mugako taldeak ezin izan zuten Urgozo garaitu eta 38-3ko markagailuarekin galdu zuen
Txingudi Rugby Klubeko senior mailako gizonezkoek, Zaisa...
Txingudi Rugby Klubeko gizonezkoak sailkapeneko hirugarren postua ziurtatzeko helburuarekin joanen dira liderraren etxera
Txingudi Rugby Klubeko...
Biok Experiential Shopping Txingudi Badia eskolarteko nazioarteko txapelketa arrakastaz ospatu zen bigarren urtez segidan
Eguraldia lagun zutela,...
200 errugbilari gazte bilduko dira Plaiaundin apirilaren 6an bigarren aldiz ospatuko den eskolarteko txapelketan
Txingudi Rugby Klubak bigarrenez...
Txingudi Rugby Klubak antolatu du “Biok Experimental Shopping Txingudi Badia” topaketaren bigarren edizioa
Txingudi Rugby Klubak bigarrenez...