IRUNGO MARATOI ERDIA OTSAILAREN 26AN OSPATUKO DA

Izena emateko azken eguna otsailaren 24a izanen da

Bidasoa Atletiko Taldeak atzo goizean aurkeztu zuen aurtengo Irungo Maratoi Erdia. Bortzgarren urtea da lasterketa hau antolatzen dutela eta pozik daude probak bere lekua hartu duelako hirian. Aurreko urteetako ibilbide bera izanen da, aldaketa txiki batzuekin, eta dagoeneko 600 bat korrikalari daude izena emanda.

Iñigo Eseverri BATeko ordezkariak lasterketaren aurkezpenean adierazi zuenez, “bost urteren bueltan lasterketa ezaguna da hirian eta, aurten, berriro ere hemen gaude pozik Maratoi Erdiaren aurkezpenean”. Bortzgarren edizioa izanen da aurtengoa eta dagoeneko bere lekua hartu du lasterketak Irunen. Otsailaren 26an ospatuko da, 10:00etatik aitzinera, eta aurreko urteetako ibilbide bera izanen du, zenbait aldaketekin.

Bi lasterketa abiatuko dira egun horretan, aldi berean, Kolon pasealekutik: 10 kilometroko lasterketa eta Maratoi Erdia. Biak ibilbide bera izanen dute, baina lehenak itzuli bat soilik emanen dio zirkuituari eta bigarrenak berriz, bi itzuli. Aurten, gainera, aldaketa txiki bat egonen da ibilbidean. Eseverrik jakinarazi zuenez, “Behobia alderaino joanen gara aurten”.

Antolatzaileen helburua 1.000 partehartzaile edukitzea da. Dagoeneko 600 bat korrikalarik eman dute izena lasterketan eta “datozen asteetan inskripzio gehiago edukitzea espero dugu, 1.000ko langatik hurbil egotea”, aipatu zuen Eseverrik. Izena emateko epea otsailaren 24a bitarte egonen da irekita, www.kirolprobak.com webgunean. Gainera, BATeko ordezkariak “proba antolatzeko bolondresak” behar dituztela ere adierazi zuen eta, horretarako, nahi duen guztiei euren webgunean izena ematera gonbidatu nahi izan zituen. 

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

ALEJANDRO ESTEBAN ETA UNAX ERASO LAUGARREN ETA HAMARGARREN ESPAINIAKO JAURTIKETA LUZEKO TXAPELKETAN

Estebanek xabalina-jaurtiketan lortu zuen laugarren postua eta Erasok hamargarren mailu-jaurtiketan

Espainiako Neguko Jaurtiketa Luzeko Txapelketa...

AIMAR OTXOTEKOK IRABAZI DU LESAKAKO V MENDI LASTERKETA

Lesakarrak 2019ko lehen edizioko errekorra hautsi zuen, ordubete eta hamar minutuan osatuz 14 kilometroko ibilbidea

Aimar Otxoteko Larrarte...

CARLA MARTINEZEK ETA LAIA OLASCOAGAK URREZKO ETA BRONTZEZKO DOMINAK ESKURATU DITUZTE ESPAINIAKO 20 URTEZ AZPIKO TXAPELKETAN

Horiez gain, BATeko bertze zazpi atletek hartu dute parte Espainiako Txapelketan

Bidasoa Atletiko Taldeak parte hartze handia izan du...

BIDASOA ATLETIKO TALDEKO MASTERRAK URREZKO LAU DOMINA ESKURATU DITUZTE ESPAINIAKO TXAPELKETAN

Hauez gain, 16 urtez azpiko hiru atleta aritu dira txapelketa berean lehian estreinakoz

Donostian ospatu zen Espainiako Pista Estaliko Master...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika