Bidasoa Irunek Caserio Ciudad Real taldeari 43-28 irabazi dio final laurdenetan
Bidasoa Irunek Errege Kopako finalerdietara sailkatzea lortu du,...
28 Ira, 2023
Bidasoak Logroñon jokatuko du, larunbat honetan, denboraldiko laugarren jardunaldia
Bidasoak Logroñora bidaiatu beharko du asteburu honetan, bertako BM Logroño La Rioja taldearen kontra lehiatzeko. Partidu zaila izanen da, errioxarrak irundarren aurkari zuzena delako bertze urte batez. Hala ere, inertzia ona dute Jacobo Cuetararen mutilek eta hori garrantzitsua izanen da denboraldiko laugarren jardunaldiari aitzin egiteko.
“Kantxa zailenetariko bat” dela erran du Jacobo Cuetara entrenatzaileak, larunbateko (irailaren 30) Logroñoren kontrako partiduaren atarikoan. Gainera, “aurkari zailenetariko bat” dela ere aitortu du asturiarrak, bertze urte batez errioxarrak bidasotarren aurkari zuzena izanen delako Europako plaza horien lehian. Partidua horrela aurkeztuta, Palacio de los Deportes La Rioja kantxan ikuskizuna bermatua egonen dela argi dago.
Bidasoarentzat neurketa hau zaila izanen da, baina Logroñorentzat ere ez da erraza izanen. ASOBAL Liga hagitz berdinduta dago eta hori jardunaldi guztietan somatzen da. Cuetarak “partiduz partidu” joan behar dutela adierazi du. Hala ere, inertzia ona du talde irundarrak eta hori baliagarria izan daiteke larunbaterako: “Joerak ez du aunitz inporta, baina gureak garrantzi gehiago izanen du”.
Talde irundarra lehiakorra izaten ari da eta hori “positiboa” dela azpimarratu du prestatzaileak: “Taldea positibo izaten ari da zailtasunen aitzinean. Hagitz elkartua dago eta ideiak ere gabi ditu. Hala ere, hobetzeko aldea dugu oraindik, denek bezala. Talde guztiak hobetzen joanen dira eta denbora guttian gainera. Hori izanen da gakoetako bat, azkar hobetzen joatea”.
Logroño garaitzeko bertze gakoetako bat “euren erasoaren eta gure defentsaren arteko borrokan” irabaztea izanen da Bidasoarentzat. Izan ere, errioxarrek “talde ona” egin dutela jakinarazi du Cuetarak, “aurreko denboraldietako oinarrizko jokalariekin eta fitxaketa onekin”.
Jacobo Cuetarak talde ia osoarekin joanen da Logroñora, nahiz eta Pedro Pacheco Irunen utzi beharko duen. Brasildarrak abduktorean haustura ttiki bat du eta aste batzuz geldirik egon beharko baitu.
(Argazkia: Arrate Morales)
Bidasoa Irunek Caserio Ciudad Real taldeari 43-28 irabazi dio final laurdenetan
Bidasoa Irunek Errege Kopako finalerdietara sailkatzea lortu du,...
Bidasoa Irunek Errege Kopako Azken Fasea jokatuko du asteburuan, denboraldiari bukaera emateko
Bidasoa Irunek Errege Kopako Azken Fasea jokatuko du...
Cuencak 29-26ko markagailuarekin irabaztea irabazi zion talde horiari, Plenitude ASOBAL Ligan segitzeko helburua lortuz
Bidasoa Irunek galdu egin...
Kadete mailako gizonezkoak Kantabrian egonen dira asteburuan B multzoan Sektore Fasea jokatzen
Zaisa Bidasoa Irun, Bidasoako kadete mailako gizonezkoak,...
Bidasoa Irunek Plenitude ASOBAL Ligako azken jardunaldia jokatuko du, Cuencaren kontra eta matematikoki txapeldunordetza lortuta
Plenitude ASOBAL...
Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...