Emakumezkoen Ohorezko Erregional mailako Gipuzkoako Kopako final laurdenetan, Mariñok 7-0 jipoitu zuen Ostadar eta txapelketako hurrengo kanporaketara igaro da.

Multzoko fase erregularra jokatuta, Emakumezkoen Ohorezko Erregional mailan aritzen diren taldeak Gipuzkoako Kopa dihardute jokoan. Final laurdenetan, Mariñok Ostadara talde lasartearra jaso zuen Ugalde-Ventaseko zelaian eta arazorik gabe, Gipuzkoako Kopako kanporaketetetan aurrera egin du talde irundarrak.

Duela bi aste Mariño eta Ostadar elkarren aurka aritu ziren; orduan, neurketa oso estu joan zen, 1-3 gailendu zen Mariño. Erlaxatu gabe, pasaden larunbatean, presiora ekin zion eta lehen minutuetatik estutasun larrietan jarri duten Ostadar. Horrela, 20 minututan hiru gol erdietsi zituen Mariñok eta neurketa guztiz erabakita utzi zuen.

4-0 bukatu zen lehen zatia eta taldeko bizkarrezurra aldatu arren, Mariñok ez zuen erritmoa leundu. Bigarren zatian, hiru gol egin zituen talde irundarrak azkeneko 7-0ekoa ezartzeko. Ostadarrek jipoia jaso zuen eta modurik krudelean Gipuzkoako Kopatik kaleratua izan zen. Mariñoko golei dagokienez, Eneritz Ramirezen izena nabarmendu zen. Ostadarren aurkako neurketan, aurrelariak lau gol egin zituen, marka ezin hobea. Gainontzeko golegileak, Melani Lizaso, Nahia Alza eta Jone Madejon izan ziren.

Datorren asteburuan, Intxaurdi Oiartzunen aurka jokatu du final erdia Mariñok. Denboraldi honetan, behin jokatuko du talde irundarrak Intxaurdi-Oiartzunen aurka eta 6-1 jipoitu zituzen.

Beti Gazte penaltietan txapelketatik kanpo. 

Beti Gaztek ez zuen zortea aldeko izan. Lesakako taldea Tolosaren aurka jokatu zuen Usabal futbol zelaian eta 90 minutuak 1-1 berdinketarekin bukatu ostean, kanporaketa penaltietan erabaki zen. Beti Gaztek hamaika metroetatik behin asmatu zuten; Tolosak, aldiz, hirutan. Bada, penaltiek kondenatu zuten talde lesakarra.