JON ANDER PEREZ: “DENOK ALDE BERERA EGITEN BADUGU ARRAUN, ONDO ATERAKO DA GUZTIA”
Futbola

JON ANDER PEREZ: “DENOK ALDE BERERA EGITEN BADUGU ARRAUN, ONDO ATERAKO DA GUZTIA”

Jon Ander Perez Real Unioneko aurrelaria taldeaz mintzatu da eta ideia beragatik borrokan egoera zailei aurre egingo diotela aipatu du

Bihar Stadium Galen jokatuko duzue eta CD Alcoyano jasoko duzue bertan. Nola aurreikusten duzu neurketa?

Aurredenboralditik gabiltza lanean ideia berean sinisten denok eta nik uste dut hori izan behar dela bidea. Egia da jende berri asko etorri garela eta zaila izaten da hasieran denek mezua azkar hartzea, baina hori da bidea: hasieratik landu duguna martxan jartzea eta igande honetan hori ongi eginda, hiru puntuak ateratzea.

Taldekako kirol batean garrantzitsua da taldea osatzea. Real Unionek lan hori egin du aurredenboraldian eta zelaian nabaritzen da, ezta?

Bai, noski. Denboraldia aurrera egin ahala gehiago nabarituko da, gainera. Egia da, baja asko eduki ditugula eta jokalaria askok lekuz kanpo jokatu dute. Ez da aitzakia izan behar, baina honek bere eragina du. Espero dugu gauzak pixkanaka ondo joatea eta igande honetan berriz ere hiru puntuak etxean gelditzea.

Egia da baja asko sufritu dituela taldeak. Eta horrek taldea baldintzatzen du, nahi eta ez…

Ez da aitzaki bat izan behar, baina egia da talde baldintzatzen duela. Batez ere zelai erdian falta handia izan dugu eta jendea lekuz aldatu behar izan dugu. Hala ere, talde bat gara eta tokatzen zaiguna egin behar dugu tokatzen zaigun momentuan. Denok alde berera egiten badugu arraun ondo aterako da guztia. Lasai gaude.

Baldintza hauekin harrobira begiratu behar izan duzue taldea osatzeko. Garrantzitsua da klubean harrobia lantzea eta hori ere nabaritu duzue egoera honetan, ezta?

Bai, noski. Leku guztietan harrobia garrantzitsua da, baina horrelako taldeetan oraindik gehiago. Guk ez ditugu beste taldeek dituzten baliabideak eta horrek beheko taldeetarara begiratzea behartzen zaitu. Nik uste dut oso harro egon behar garela honetaz. Igotzen ari diren mutilak oso ondo ari dira lanean eta lehen taldeari asko laguntzen ari dira. Denok lan egiten badugu tokatzen zaigun arloan, dena ondo aterako da.

Zure aldetik, zer moduz egokitu zara Real Unionen?

Taldean oso gustora nago. Lehenengo egunetik taldekideek oso ondo hartu ninduten eta horrek erraztu egiten du lana. Kirol arloan, hobera egin behar dut. Ez da hasiera erraza izan. Covid-a pasatu nuen denboraldi hasieran eta fisikoki ez nintzen nire ehuneko ehunean. Pixkanaka hobetzen ari naiz eta hobeto nago. Espero dut hau guztia golekin laguntzea, oraindik ez dira etorri, baina nik uste dut egiten ari naizen lanarekin etorriko direla eta taldea lagunduko dudala. 

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika