Gaztedi Bren kontrako denboraldiko azken partiduan 17-29 galdu zuen Iñigo Camareroren taldeak
Txingudi Rugby Klubeko gizonezko seniorrek...
15 Mar, 2022
Iruindarrek 96-0ko markagailuarekin menderatu zituzten bidasotarrak
Zaisa Txingudi, pasa den larunbatean, Iruñeako La Unica taldearen aurka lehiatu zen, eta 96-0 galdu zuen. Orain sailkapeneko bigarren postuan dagoen taldeak bere nagusitasuna erakutsi zuen zelaian eta bidasotarren markagailua hutsean uztea lortu zuen.
Irundarrek talde murritzarekin bidaiatu zuten Iruñeara, baina beraien helburua argi zutela: jeitsiera fasetik aldenduko zituen puntuak irabaztera. Hala ere, lehendabiziko momentutik etxeko taldeak bere erritmoa inposatu zuen eta Txingudik prestatua zuen defentsa-antolakuntza zapuzten ibili ziren. Horrela, La Unicak hamar entsegu egitea lortu zuen eta 62-0ko markagailua ezarri zuen atsedenaldirako.
Bigarren zatian, bide beretik jarraitu zuen neurketak, nahiz eta Txingudik ez zuen amore eman eta erasotzen jarraitu zuen. Hala ere, La Unicak defentsa lan izugarria egin zuen eta bidasotarrek ezin izan zioten honi aurre egin. Etxeko taldeak, aldiz, saiakera guztiak arrakastarekin amaitu zituen eta partidu bukaerarako 96-0ko markagailua erdietsi zuen.
Zaisa Txingudik asko sufritu zuen jardunaldi guztian zehar eta gainera, beste baja batekin bueltatu ziren etxera. Izan ere, Jon Mediavilla jokalariak lepauztaia hautsi zuen bigarren zatiko lehen jokaldian. Honek gelditzen den denboraldirako baja izatea ekarri dio.
Bidasotarrek hurrengo jardunaldia Durangoren aurka jokatuko beharko dute, Abadiñoko Arripausueta zelaian. Partidu hau denboraldiko 16. jardunaldia izango da. Aurrez aurre egon ziren aurreko aldian, 3-45ko markagailuarekin amaitu zuten bizkaitarren alde. Txingudik neurketa honi ere indarrez egin beharko dio aurre, bere helburua lortzeko borrokatuz.
(Argazkia: Piperra)
Gaztedi Bren kontrako denboraldiko azken partiduan 17-29 galdu zuen Iñigo Camareroren taldeak
Txingudi Rugby Klubeko gizonezko seniorrek...
Txingudi Rugby Klubeko senior mailako gizonezkoek Plaiaundin jasoko dute Gaztedi B Ligako azken jardunaldia jokatzeko
Denboraldiko helburu nagusia...
Mugako taldeak ezin izan zuten Urgozo garaitu eta 38-3ko markagailuarekin galdu zuen
Txingudi Rugby Klubeko senior mailako gizonezkoek, Zaisa...
Txingudi Rugby Klubeko gizonezkoak sailkapeneko hirugarren postua ziurtatzeko helburuarekin joanen dira liderraren etxera
Txingudi Rugby Klubeko...
Biok Experiential Shopping Txingudi Badia eskolarteko nazioarteko txapelketa arrakastaz ospatu zen bigarren urtez segidan
Eguraldia lagun zutela,...
200 errugbilari gazte bilduko dira Plaiaundin apirilaren 6an bigarren aldiz ospatuko den eskolarteko txapelketan
Txingudi Rugby Klubak bigarrenez...