Bederatzigarren postuan bukatu zuen Bartzelonako 18 urtez azpiko Pista Estaliko Espainiako Txapelketa. 400 metroetako proban aritu zen.

Ez zen bere proba kuttunena, baina horri ere aurre egin zion asteburuan Laiak. Munduko ilusio handienarekin bidaiatu zuen Bartzelonara, bertan jokatu baitzen 18 urtez azpiko Pista Estaliko Txapelketan. 400 metroetako proban lehiatu zen Olascoaga eta bederatzigarren postu txukuna erdietsi zuen. Emaitzak haratago, adina eta maila horieta partaidetza emaitza baino garrantzitsuagoa da.

Larunbat goizean finalerako plazak erabakiko zituen bi final-erdiak jokatu ziren, Laia lehen seriean aritu zen. Olascoagak 1’00’’90-eko marka egin eta eta bosgarren postuan bukatu zuen Laia Julvezek (Alcampo Scorpio 71 taldeko lasterkariak) 57’67 segundutan irabazi zuen proba. Denbora eta emaitza horrek finaletik kanpo utzi zuen Olascoaga; hain zuzen ere, bederetzigarren postuan bukatu zuen txapelketa. Klubeko ordezkarien ustez, “Laiak orain arte egindako denboraldia oso ona da eta ziur aski aire libreko lehiaketetan hobe arituko dela”.

Finala igandean jokatu zen eta bertan, UGE Badalanoako lasterkaria den Laia Zuritak 56,46’’-ko denborarekin garaipena erdietsi zuen. Haren atzetik, Valencia Club Atletismoko Andrea de la Rosa (57,29’’) eta Playas de Castellon taldeko Ana Bellesek (58,48’’) osatu zuten podiuma.