LEHEN ALDIZ OSPATUKO DA IRUNEN OZTOPO-LASTERKETA

Asier Landartek eta bere Denontzat Irun gimnasioak antolatutako ekimena da eta irailaren 24an ospatuko da 

Denontzat gimnasioen ekimenez, datorren larunbatean, irailak 24, oztopo-lasterketa egingo da lehen aldiz Irunen. 15:30etik aitzinera ospatuko da proba eta Irungo udaletxearen parean izanen ditu hasiera eta bukaera. Hiruko taldeak osatu beharko dira parte hartzeko eta oraindik ere izen-ematea irekita dago.

Gaur eguerdian aurkeztu dute larunbatean ospatuko den oztopo-lasterketa, Asier Landart Denontzat Irun gimnasioko arduradunak, Ismael Mateo Denontzat Hernaniko ordezkariak eta Borja Olazabal Irungo Udaleko kirol zinegotziak. Denontzat ekimenak dagoeneko bertze hainbat proba antolatuak ditu hainbat herri eta hirietan, baina lehen aldia da Irunen egiten dutena.

Arratsaldeko 15:30ean hasiko da lasterketa eta hiruko taldeak erreleboka arituko dira hiru kilometrotako ibilbidea osatzen. Partehartzaileek, guztira, 26 oztopo izanen dituzte ibilbide guztian zehar: hormak, enborrak, soka bertikalak eta rokodromoak. Asier Landartek adierazi duenez, “denontzat irekita egongo da proba, edozein mailako jendearentzat”. Hori baita antolatzaileen helburua, ohikoa ez den kirol hau ezagutzera ematea eta edozein kirolarik lasterketa probatzeko aukera edukitzea.

Lasterketan hiruko taldeetan parte hartu behar baldin bada ere, banakako denborak kontuan hartuko dituzte eta lehen hamar gizonezko eta emakumeek aukera izanen dute, bukaeran, bakarka ibilbidea beste behin osatzeko eta lasterkari onenaren saria irabazteko.

Izen-ematea irekita dago jada, eta biharko (irailak 22) arratsaldeko 18:00ak arte egin ahalko da, www.kronoak.com webgunearen bitartez. Hiruko taldeetan parte hartu beharko da, mutilenak, neskenak edota mistoak izan daitezkeenak. Hala ere, Landartek berak jakinarazi duenez, talderik ez duen norbaitek parte hartu nahi baldin badu, “Denontzat gimnasioarekin harremanetan jar daiteke”, beraiek ere taldeak osatzen ari baitira.

Azkenik, haurrek ere lasterketan parte hartzeko aukera izanen dute. Hauek bakarka arituko dira eta izena emateko, Hernaniko edo Irungo Denontzat gimnasioetara jo beharko dute.

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

ALEJANDRO ESTEBAN ETA UNAX ERASO LAUGARREN ETA HAMARGARREN ESPAINIAKO JAURTIKETA LUZEKO TXAPELKETAN

Estebanek xabalina-jaurtiketan lortu zuen laugarren postua eta Erasok hamargarren mailu-jaurtiketan

Espainiako Neguko Jaurtiketa Luzeko Txapelketa...

AIMAR OTXOTEKOK IRABAZI DU LESAKAKO V MENDI LASTERKETA

Lesakarrak 2019ko lehen edizioko errekorra hautsi zuen, ordubete eta hamar minutuan osatuz 14 kilometroko ibilbidea

Aimar Otxoteko Larrarte...

CARLA MARTINEZEK ETA LAIA OLASCOAGAK URREZKO ETA BRONTZEZKO DOMINAK ESKURATU DITUZTE ESPAINIAKO 20 URTEZ AZPIKO TXAPELKETAN

Horiez gain, BATeko bertze zazpi atletek hartu dute parte Espainiako Txapelketan

Bidasoa Atletiko Taldeak parte hartze handia izan du...

BIDASOA ATLETIKO TALDEKO MASTERRAK URREZKO LAU DOMINA ESKURATU DITUZTE ESPAINIAKO TXAPELKETAN

Hauez gain, 16 urtez azpiko hiru atleta aritu dira txapelketa berean lehian estreinakoz

Donostian ospatu zen Espainiako Pista Estaliko Master...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika