Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
21 Urt, 2021 Kiroletik, Irratsaioa, Kirolak, Irun, Antxeta Irratia, C.D. Bidasoa, Bada Huesca
Bidasoak atzo Bada Huescaren aurka denboraldi-aurreko lehen jardunaldia jokatu eta 27-29 garaitu zuen.
Neguko geldiuneko lehen lagunartekoan Bidasoak 27-29 garaitu du Bada Huesca. Sacyr Asobal Ligako bosgarren sailkatua da Huescako taldea eta denboraldi-aurreko lehen proba garrantzitsua sendo gainditu du talde irundarrak. Emaitzaz gain, sentsazioak, talde-lana eta erritmoa berreskuratzea da entrenatzaile orok denboraldi-aurretan bilatzen duena; hain zuzen ere, Jacobo Cuetarak antolatu dituen hiru lagunartekotan, hori da helburu nagusia, Bidasoak lehen itzulian eman zuen mailara bueltatzean.
Neurketan zentratuta, hasieratik amaierara arte neurketa berdindua izan zen. Bidasoak Matheus Da Silva, Rodrigo Salinas, Nicolas Bonanno eta Donat Bartoken bajak Nieto, Furundarena, Gey-Emparan eta Urruzola gazteekin ordezkatu zituen. Gazteek errendimendu ona erakutsi zuten atzokoan, Gorka Nietok eta Eneko Furundarenak minutuak pilatu zituzten eta gol bana erdietsi zuten. Hala ere, norgehigokaren iparrorratza Sergio de la Salud eta Jon Azkuek ezarri zuten. Lehen zatian, Bada Huescak eta Bidasoak markagailuaren agintea zenbait minutuetan elkarbanatu zuten arren (13-12 bukatu zen Bada Huescaren alde), bigarrenean, Bidasoa beti izan zen aurretik. Racotea 5 golekin, Jon Azkue 6rekin eta Sergio de la Salud 7 gol erdietsita eguneko golegile nagusiak zan ziren. Azken minutuak oso lehiatuak izan ziren, 24-24 eta 27-27 berdintzen joan ziren, baina Bidasoaren defentsak eta erasoko erabaki onek azken minutuetan irundarren alde erabaki zuen neurketa, 27-29.
Bidasoaren denboraldi-aurreko bigarren hitzordua larunbatean izango da, Billerenen aurka izango da arratsaldeko 17:00etan. Hasiera egutegiren arabera, Helvetia Anaitasunaren aurka jokatu behar zuten, baina talde iruindarrean hainbat Covid positibo kasu atzeman ostean, lagunartekoa bertan behera uztea behartuak ikusi ziren.
Fitxa Teknikoa
27 – Bada Huesca (13+14). Montoya, Carmona (3), Tioumentsev (4), Pérez (3), Espinha, Luis, Marcelo (1), Benites (6), Gucek (1), Alonso, Sergio Pérez (3), Malo (2), Asier Nieto (3), Calvo (1), Pinto eta Argüillas.
29 – Bidasoa Irun (12+17). Ledo, Sierra, Cavero (1), Crowley (2), Racotea (5), Zabala (1), Gey-Emparan, Furundarena (1), Odriozola (1), Aginagalde, Serrano (3), Urruzola, De la Salud (7), Azkue (6), Nieto (1) eta Tesoriere (1).
Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan
CD Bidasoak eta Hondarribia...
Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan
Bidasoa Irungo...
Euskal Herri osotik etorritako sei taldek hartuko dute parte txapelketan
III. San Martzial Senior Nesken Eskubaloi Torneoa ospatuko da bihar, ekainaren...
CD Bidasoak, bi urteren buruan, aukera izanen du bi jokalariak berreskuratzeko
CD Bidasoak jakinarazi duenez, Ohorezko Mailako EON Horneo Alicante...
Barçaren kontra 28-32 galdu ondotik, denboraldia agurtu zuen talde horiak
Bidasoa Irunek ezin izan zuen Barça garaitu Errege Kopako finalerdietan....